ЯҢАЛЫКЛАР


26
апрель, 2013 ел
җомга
Начар юлларда юл-транспорт һәлакәтләре ешрак күзәтелә, техникада тиз сафтан чыга икән. Шуңа күрә дә юлларны төзекләндерүгә даими игътибар бирелә.“Татавтодор” җәмгыятенең Апас филиалындагы Кайбыч юл ремонт-төзелеш участогы коллективы да юлларны тиешле тәртиптә тоту буенча максатчан эш алып бара.

25
апрель, 2013 ел
пәнҗешәмбе
Рөстәм абыйлары Миңнеханов белән сөйләшүдән Иске Чәчкаб авылында яшәүче игезәкләр Рамил белән Ранисның шатлыклары эченә сыймады! Сөенерлек тә шул: Татарстан Президенты аларга ике яңа баян сатып алырга ярдәм итәчәген ышандырды ич!

24
апрель, 2013 ел
чәршәмбе
Кайбыч районы оешкан көнне якташлар белән уздыру күркәм гадәткә әверелде. Ара ераклыгы да, вакыт кысанлыгы да куркытмый: кунаклар Кайбычка Казаннан, Мәскәүдән, республика шәһәр-районнарыннан җыела. Кая гына яшәсәләр, эшләсәләр дә, туган җир йөрәккә якын, үзенә тарта, шуңа күрә район өчен гаять әһәмиятле тарихи көндә очрашу аеруча кадерле.

23
апрель, 2013 ел
сишәмбе
Кошман мәктәбендә  ХХ  гасыр  башының  күренекле  шәхес, татар  әдәбиятында  үзеннән саллы  өлеш  керткән әдип  Әбрар  Сәгыйдинең туган  көне  уңаеннан  класстан  тыш  чаралар  үткәрелде. 

15 апрельдә Габдулла Тукайның вафатына 100 ел тулу уңаеннан,  мәктәптә “Тукай мәңге яши безнең күңелләрдә” дигән кичә үткәрелде. Бу чараны  3 б сыйныфы укучылары әзерләде (сыйныф җитәкчесе Мозаффарова Л. М.).


19
апрель, 2013 ел
җомга
Кайбыч муниципаль районы башлыгы Альберт Рәхмәтуллин шул уңайдан котлау сүзләре белән мөрәҗәгать итте. Анда болай диелә: 

16
апрель, 2013 ел
сишәмбе
Шимбә көнне ЗАГСта узган тантана тормыш юлына әле беренче тапкыр гына аяк басучы яшьләрне теркәү тантанасыннан бер дә аерылмады. Бераз дулкынланулары йөзләренә чыккан Рәхим абый белән Фәһимә апа, Мендельсон маршы астында, җитәкләшеп, тантана залына узды.
Быел июль аенда Казанда узачак XXVII Җәйге Универсиаданың төп спорт корылмасы булачак футбол стадионы ай үсәсен атна үсә, атна үсәсен көн үсә. Ерактан караганда ул кырмыска оясыннан ким түгел – төзелеш туктаусыз кайный. Кайбыч бригадасын җитәкләүче район башкарма комитеты җитәкчесенең төзелеш, архитектура һәм торак-коммуналь хуҗалык мәсьәләләре буенча урынбасары Фирдүс Әхмәтовның да бер минут буш вакыты юк.

12
апрель, 2013 ел
җомга
“Тормышымдагы бу кискен борылышның ничек булуын үзем дә сизми калдым”, - ди Зур Подберезье табиб амбулаториясе педиатры Екатерина Ботченкова. “Авыл табибы”  федераль программасы буенча Тольятти шәһәреннән кайткан табибәгә “арбаны” эшкә кайтуның беренче көненнән үк җигелеп тартырга туры килә - амбулаторияне җитәкләргә куйганнар үзен.
Федоровское авылының Яшел урамына су атна башында ук керә башлаган. Авыл җирлегендә тәүлек әйләнәсе кизү оештырганнар, гадәттән тыш хәлләр буенча район комиссиясе хәлне даими күзәтү астына алган.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International