ЯҢАЛЫКЛАР
14 апрель көнне Олы Кайбыч авылының "Салават күпере" спорт-сәламәтләндерү комплексында авыл җирлекләренең ир-ат командалары арасында волейбол буенча район Чемпионатының финал этабы кысаларында беренче чирек финал матчы узды. Анда Олы Кайбыч авыл җирлеге һәм Турминское авылы җыелма командалары очрашты. Нәтиҗәдә, 2:1 исәбе белән Турминский авылы волейболчылары җиңү яулады һәм ярымфиналга чыкты. Икенче ярымфинал Мәлки-Чүти һәм Хуҗа Хәсән - Кошман командалары катнашында узачак. Ярышлар 27 апрельдә узачак.
2019 елда Татарстан Республикасы буенча Росреестр Идарәсе күчемсез милек объектларын кадастр исәбенә кую өчен кадастр инженерларыннан кергән межалау планнарын тикшерү өлешендә дәүләт регистраторлары һәм дәүләт геодезия күзәтчелеген гамәлгә ашыручы вазыйфаи затлар арасында хезмәттәшлек итә.
2019 елның 12 апрелендә Кайбыч районының «ЭКО «мәктәптән тыш эшләр үзәге» муниципаль бюджет учреждениесе «Салават күпере» спорт-сәламәтләндерү комплексы базасында инвалид балалар һәм мөмкинлекләре чикләнгән балалар арасында гади пневмо-ракетомодельләр буенча зона шәхси-команда ярышлары үткәрде (Казан зонасы). Ярышларда 4 муниципаль район катнашты: Кайбыч, Апас, Алексеевск, Буа.
14 апрель көнне Кайбыч районы «Салават күпере» спорт комплексында көньяк –көнбатыш казыяте мөхтәсибәтләренең,мәхәллә яшьләреннән торган җыелма төркемнәре воллейбол һәм суда йөзүдә ярыштылар.
12 апрель көнне Олы Кайбыч урта мәктәбе базасында мәктәп укучыларының «Поиск» VII Региональ фәнни-гамәли конференциясе узды. Чара укучыларның фәнни-тикшеренү эшчәнлеге аша фәннәрдән кызыксынуларын үстерү һәм фәнни-тикшеренү күнекмәләрен формалаштыру максатыннан үткәрелде.
23 апрель 2019 елда Пенсия фондының Кайбыч районы бүлегендә ( адресы: Кайбыч авылы, Кояшлы бульвар урамы, 7 йортта) 13.00 сәгатьтән башлап Татарстан Республикасы буенча пенсия фонды идарәчесенең урынбасары Елена Горюнова пенсия фондына кагылышы сораулары булган Кайбычлыларны кабул итәчәк.
13 апрель көнне Олы Кайбыч авылының "Салават күпере" спорт-сәламәтләндерү комплексында укучылар Спартакиадасы кысаларында гомуми белем бирү мәктәпләренең 9 нчы сыйныфка кадәр булган укучылары арасында волейбол буенча район беренчелеге узды. Нәтиҗәдә, беренчелектә, икенче ел рәттән җиңүче булып, тренер-укытучы Илнур Хәсәнов җитәкчелегендә Иске Чәчкап төп мәктәбенең яшь волейболчылары танылды, аларга күчмә кубок, истәлекле медальләр һәм грамоталар тапшырылды. Мактау пьедесталының икенче һәм өченче баскычына Федоровское һәм Чүти урта мәктәпләре командалары күтәрелде. Ярышлар район оешуның 28 еллыгына һәм Бөек Ватан сугышында Җиңүнең 74 еллыгына багышланган иде.
Районның авыл хуҗалыгы һәм азык-төлек идарәсеннән алынган мәгълүматлары буенча, "Золотая Нива", "Кубня", "Дубрава" һәм "Туган як-агро" хуҗалыкларында көзге культураларны тукландыру бара. Бүгенге көндә 528 гектар мәйданда ашлама кертелгән.
Надеждино авыл җирлегендә экологик икеайлык кысаларында территорияне чистарту эшләре актив бара.
2019 елның 12-13 апрелендә Казан шәһәренең "Идел" яшьләр үзәгендә Татарстан Республикасы муниципаль берәмлекләренең яшьләр эшләре органнары җитәкчеләре өчен эшче сессия узды, ул Татарстан Республикасы яшьләр эшләре һәм спорт министрлыгының корпоратив университеты кысаларында оештырылды. Ике көнлек эшлекле сессиядә Татарстанның барлык муниципаль берәмлекләренең дәүләт яшьләр сәясәтен гамәлгә ашыручы идарә, бүлек башлыклары катнашты.