ЯҢАЛЫКЛАР
Безнең районның тимераякта шуучылары - бертуган игезәкләр Айназ һәм Айнур Билалиевлар һәм Асия Мадаминова Мәскәү өлкәсенең Коломна шәһәрендә тимераякта шуу спорты буенча Бөтенроссия ярышларында уңышлы чыгыш ясап сезонны ябтылар. Унике яшьлек балалар 3 олы разрядка ия булдылар. Бу, әлбәттә, аларның тренеры Фрат Җиһаншин казанышы. Без аларны котлыйбыз!
3 апрель көнне «ЭКО» мәктәптән тыш эшләр үзәгендә Бөек Ватан сугышында Җиңүнең 74 еллыгына багышланган «Солдатлар булып тумыйлар» дип исемләнгән рәсем һәм шигырь укучыларның Республика иҗади конкурсының муниципаль этабы булып узды. Конкурста гомуми белем бирү мәктәпләреннән һәм сәнгать-эстетик юнәлеш буенча түгәрәкләр укучыларыннан булган 39 бала катнашты. Конкурс 7-9 яшьтән (кече яшь төркеме), 10-13 яшь (урта яшь төркеме), 14-18 яшь (өлкән яшь төркеме) төркемнәрендә үткәрелде.
3 апрельдә Республиканың барлык районнарында Росреестрның Татарстан Республикасы буенча идарәсе оешуга 10 ел тулу уңаеннан Бердәм консультацияләр көне узды.
2 апрель көнне район мәдәният йортында "Без бергә" Республика балалар халык иҗаты фестиваль-конкурсының муниципаль этабы булып узды. Әлеге конкурс ике яшь төркемендә (кече һәм өлкән) тугыз номинация буенча үткәрелде: "Хореография", "Халык вокалы", "Халык вокаль ансамбле","Инструменталь ансамбль", "Иҗади гаилә", "Сәнгать уку", "Театр куелышы", "Мода театры", "Иҗат канатлары".
Татарстан Республикасы Авыл хуҗалыгы һәм азык-төлек министрлыгы «2017 - 2020 елларга крестьян (фермер) хуҗалыклары базасында гаилә терлекчелек фермаларын үстерү» программасы буенча крестьян (фермер) хуҗалыкларын сайлап алу өчен конкурс башлануы турында игълан итә. Заявкалар һәм документлар 2019 елның 29 мартыннан 29 апреленә кадәр түбәндәге адрес буенча Татарстан Республикасы Авыл хуҗалыгы һәм азык-төлек министрлыгы белгечләре тарафыннан кабул ителә: Татарстан Республикасы, Казан шәһәре, Федосеев ур., 36 йорт, 3 кат, 309 каб. Кабул итү эш көннәрендә 9.00 сәгатьтән 16.00 сәгатькә кадәр башкарыла.
«Соры» хезмәт базары юнәлеше буенча хезмәт хакын тоткарлаучы һәм аны конвертта бирүче эш бирүчеләрне мәгълүмат урнаштыру мөмкинлеге турында исегезгә төшерәбез.
28 мартта Буада Татарстан Республикасы ДОСААФ Буа муниципаль берәмлеге призларына каратэ буенча "яшь сугышчының дебюты" районара ярышлары узды. Анда Апас, Буа һәм Кайбыч районнарынан яшь каратистлар катнашты. Барлыгы 60 катнашучы. Башка районнар командалары бик күп (20 дән артык спортчы) булуга карамастан, безнең район 8 баладан торган команда лаеклы чыгыш ясады. Кайбычлылар өченче гомумкоманда урыны алдылар, ә 7 каратистыбыз төрле дәрәҗәдәге медальләргә лаек булдылар. Өченче урынны Никита Фенагентов, Сергей Куликов, Эмиль Җамалов, Николай Фенагентов, Рамазан Вишняков алды. Икенче урынны Алинә Сагунова, ә беренче урынны Владислав Козлов яулады. Никита Козловка җиңүгә бераз генә көч җитмәде. Аның җиңүләре алда әле! Без аларны барысын да котлыйбыз!
Бүген Олы Кайбыч урта гомуми белем бирү мәктәбенең актлар залында Багай, Олы Подберезье, Ульянково һәм Надеждино авыл җирлекләре составына керүче участок сайлау комиссияләренең әгъзалары өчен укулар уза.
2 апрель көнне Багай балалар бакчасында тәрбияләнүчеләр Салтыган авыл китапханәсендә экскурсиядә булдылар. Китапханәче балаларны балалар китаплары, журналлар белән таныштырды, китаплар белән дөрес эш итү, уку залында үзеңне ничек тоту турында сөйләде. Мәктәпкәчә яшьтәге балалар китапханәчене зур кызыксыну белән тыңладылар, соңыннан бик теләп төрле темаларга китаплар карадылар. Экскурсия мәктәпкәчә яшьтәге балаларга бик зур тәэсир калдырды.
1963 елдан 2 апрельдә, әкиятче Ганс Христиан Андерсен туган көнне бөтен дөнья Халыкара балалар китабы көнен билгеләп үтә. Халыкара балалар китабы көне-китапка гашыйк барлык кызыксынучан балалар өчен искиткеч бәйрәм, күңелле маҗаралар, яңа әдәби ачышлар бәйрәме. Бу бәйрәмнең төп максаты-укуны популярлаштыру. Бәйрәм яшь буынны китап укуга җәлеп итә, китап имиджын арттыра. Балалар китабы атналыгы кысаларында Кайбыч районы белем бирү оешмаларында төрле формада һәм эчтәлеге буенча чаралар үткәрелә. Укучылар кызыклы викториналарда, күңелле конкурсларда бик теләп катнашалар.