ЯҢАЛЫКЛАР
3 декабрь көнне Галия Кайбицкая исемендәге музейда "Ак калфак" иҗтимагый оешмасының район эшмәкәр-хатын-кызлары белән очрашуы булып узды.
Шушы көннәрдә Олы Кошман авылыннан Халитова Рәшидә Хәмзә кызы һәм Садриев Фәргать Әбрар улы үзләренең юбилейларын билгеләп үттеләр. Район башлыгы исеменнән юбилярларны коррупциягә каршы көрәш буенча ярдәмче Фәния Петухова һәм Кошман авыл җирлеге башлыгы Лилия Сафина котладылар. Алар район башлыгының рәхмәт хатларын тапшырдылар.
«Бухгалтерлык исәбе турында» Федераль законга (2011 елның 6 декабрендәге 402-ФЗ номерлы Федераль закон) мөһим үзгәрешләр кертелде.
2019 елның 3 декабрендә администрациянең актлар залында балигъ булмаганнар эшләре һәм аларның хокукларын яклау комиссиясенең чираттагы утырышы узды. Утырышта РФ КоАП 5.35 статьясы 1 өлеше һәм профилактика субъектларының үтенечнамәләре буенча бер административ беркетмә каралды.
15-30 ноябрь көннәрендә Татарстан Республикасы буенча Россия ГТХМ Баш идарәсе һәм Татарстан Республикасы Мәгариф һәм фән министрлыгы тарафыннан «бозда һәм суда сак булырмын» рәсем һәм видеороликлар конкурсы үткәрелде. Конкурс Татарстан Республикасы Муниципаль берәмлекләре гомуми белем бирү оешмаларының 1-11 нче сыйныф укучылары һәм мәктәпкәчә белем бирү оешмаларында тәрбияләнүчеләр арасында үткәрелде.
Бүген Афанасьевка авылында яшәүче Муклукова Светлана Николаевна үзенең юбилеен билгеләп үтте, ул 15 елдан артык "Миләшкәй "Кайбыч балалар бакчасы муниципаль бюджет мәктәпкәчә белем бирү учреждениесендә эшли. Район башлыгы исеменнән юбилярны район башлыгы урынбасары Рәмис Хәялиев һәм Олы Кайбыч авыл җирлеге башкарма комитеты җитәкчесе Рәмис Сафин котлады. Алар Светлана Николаевнага Рәхмәт хаты тапшырдылар, аңа нык сәламәтлек, бәхет һәм иминлек теләделәр.
2019 елның 4 декабрендә Кайбыч районы урта мәктәпләренең 95 укучысы БДИ тапшыру мөмкинлеген алу өчен, йомгаклау иншасын язачак. Йомгаклау иншасы урта гомуми белем бирү программаларын гамәлгә ашыручы барлык гомуми белем бирү оешмаларында узачак.
Бүген район башлыгы Альберт Рәхмәтуллин гражданнарны кабул итте. Район башлыгына мөрәҗәгатьләр, нигездә, җир һәм торак характерына, шулай ук матди ярдәмгә кагылышлы иде. Кабул итүгә 11 кеше язылды. Аларның барысына да аңлату җаваплар бирелде.
29 ноябрь көнне Казан шәһәрендә #МолодаяГвардияРТ «Кырым күпере»патриотик форумы үткәрде. «Кырым күпере» патриотик форумы — ул дискуссион мәйданчык, ул Татарстан Республикасы һәм Кырым Республикасы яшьләре арасында уртак проектларны алга таба да гамәлгә ашыруга юнәлдерелгән. Форум республикалар арасындагы мөнәсәбәтләрне ныгытуга, шулай ук яшьләр сәясәте өлкәсендә хезмәттәшлекне киңәйтүгә юнәлдерелгән.
2 декабрьдән Олы Подберезье авылында Казанның 7 нче шәһәр хастаханәсенең мобиль күчмә сырхауханәсе үз эшен башлады. Диагностика комплексы составында югары технологияле үзәкләрдән табиб-белгечләр эшли.