ЯҢАЛЫКЛАР
23 октябрь көнне 1-2 сыйныф укучылары башлангыч сыйныф укытучылары Людмила Лукина һәм Валентина Ильина җитәкчелегендә Кайбыч ягы музеенда булдылар. Укучылар өчен экскурсия оештырылды. Алар экспонатларны бик кызыксынып карадылар. Балаларга бигрәк тә безнең якның хайваннар һәм кошлары тәкъдим ителгән зал ошады, шулай ук ата-бабаларыбызның көнкүрешен аңларга һәм күрергә ярдәм иткән йорт аеруча зур кызыксыну уятты.
Шушы көннәрдә "Салават күпере" спорт-сәламәтләндерү комплексы кассиры Бикаева Гөлнур Герфан кызы үзенең 55 яшьлек юбилеен билгеләп үтте. Район башлыгы исеменнән юбилярны район башлыгының коррупциягә каршы көрәш буенча ярдәмчесе Фәния Фәрит кызы Петухова котлады, аңа Рәхмәт хаты тапшырды һәм нык сәламәтлек, эшләрендә уңышлар, иминлек теләде.
Татарстан Республикасы Авыл хуҗалыгы һәм азык-төлек министрлыгы «2017 - 2020 елларга крестьян (фермер) хуҗалыклары базасында гаилә терлекчелек фермаларын үстерү» программасы буенча крестьян (фермер) хуҗалыкларын сайлап алу өчен өстәмә конкурс уздыру турында игълан итә.
Юк ителгән күчемсез милек объектларына милек салымын түләү салым түләүчеләрдә шактый сораулар уята. Татарстан Республикасы буенча Кадастр палатасы экспертлары юкка чыгарылган объектларны исәптән төшерү механизмын аңлаттылар.
Татарстан Республикасы буенча Роспотребнадзор идарәсе (алга таба-идарә) 2019 елның 23 октябреннән 6 ноябренә кадәр җиләк-җимеш продукциясенең сыйфаты һәм куркынычсызлыгы һәм яраклылык сроклары мәсьәләләре буенча Кулланучылар хокукларын яклау һәм кеше иминлеге өлкәсендә күзәтчелек буенча Федераль хезмәт тарафыннан «кайнар линия» үткәрелүе турында хәбәр итә. Барлык кызыксындырган сораулар буенча 8 800 555 49 43 номерына (тәүлек буе) шалтыратырга мөмкин.
Россия Эчке эшләр министрлыгының Кайбыч районы буенча бүлеге начальнигының яңа урынбасары итеп Татарстан Республикасы буенча Эчке эшләр министры боерыгы буенча Әлмәт шәһәрендә туып-үскән, полиция подполковнигы Гомәр Минһаҗев билгеләнде.
Авыл хуҗалыгы һәм азык-төлек идарәсеннән алынган мәгълүматларга караганда, бүгенге көндә районда силос өчен кукуруз җыю, туфракны төп эшкәртү, шулай ук шикәр чөгендерен җыю бара.
Россия Федерациясе Авыл хуҗалыгы министрлыгының оператив белешмәләре буенча, 14 октябрьгә авыл хуҗалыгы оешмалары саткан сөт тәүлеклек күләме 44,4 мең тонна тәшкил итте, бу узган елның шушы чорына караганда 7,8%ка күбрәк (2018 елда – 41,2 мең тонна).
2019 елның 1 гыйнварыннан федераль әһәмияттәге Мәскәү шәһәрендә, Мәскәү һәм Калуга өлкәләрендә, шулай ук Татарстан Республикасында (Татарстан) «Һөнәри керемгә салым» махсус салым режимын билгеләү буенча эксперимент үткәрү турында 2018 елның 27 ноябрендәге 422-ФЗ номерлы Федераль закон үз көченә керде.