ЯҢАЛЫКЛАР
Бүген Татарстан Республикасы буенча Пенсия фонды бүлеге пенсия белән тәэмин итү мәсьәләләре буенча бушлай кайнар линия ачты. Ул 10.00 сәгатьтән 16.00 сәгатькә кадәр эшләячәк. Сораулар буенча 8-800-100-26-27 кайнар линия телефоны аша элемтәгә керергә мөмкин. Төбәк бүлеге белгечләре пенсияне билгеләү, индексацияләү, яңадан исәпләү һәм түләүгә кагылышлы сорауларга җавап бирәчәк
18 октябрьдә ТР Дәүләт Советының кече залында "Авыл укытучысы - 2019" конкурсы җиңүчеләрен бүләкләү тантанасы булды. Безнең районнан тантаналы чарада "Экология, мәдәният, мәгариф "мәктәптән тыш эшләр үзәге" директоры Айрат Кәлимуллин катнашты. Конкурсның йомгаклау этабында "Көндәлек тормышта белем чагылышы" номинациясендә җиңүче булып, Айрат Азат улы ТР Мәгариф һәм фән министрлыгының, "Мәгариф" редакциясенең Мактау грамотасы, "Спортмастер" фирма кибетенә бүләк сертификаты, шулай ук "Мәгариф"журналына еллык язылу белән бүләкләнде.
Бүген район башлыгы Альберт Рәхмәтуллин гражданнарны кабул итте. Район Башлыгына мөрәҗәгатьләр, нигездә, җир һәм торак характерындагы, эшкә урнашу, шулай ук максатчан юнәлеш буенча белем алуга кагылышлы иде. Кабул итүгә 9 кеше язылды. Аларның барысына да аңлату җаваплар бирелде.
Бүген Олы Кайбычта агымдагы елның көзге кампаниясендә беренче булып хәрби хезмәткә чакырылучыларны Россия Федерациясе Кораллы Көчләре сафларына озату тантанасы узды.
19 октябрь көнне Олы Кайбыч авылының "Салават күпере" спорт-сәламәтләндерү комплексында гомуми белем бирү мәктәпләре укучылары арасында өстәл теннисы буенча ярышлар узды. Ярышлар Бердәм яшь категориясендә - 19 яшькә кадәр узды. Нәтиҗәдә, егетләр арасында Федоровское урта мәктәбе укучылары җиңү яулады, алар барлык мактау пьедесталын да яуладылар: Руслан Төхбәтуллин, Вадим Бурячинский һәм Данил Романов. Кызлар арасында беренче ике урынны Федоровское урта мәктәбе укучылары Полина Григорьева һәм Энҗе Сибгатуллина яулады, өченче урында Борындык төп мәктәбеннән Гүзәл Хәйруллина. Гомумкоманда зачетында Юрий Григорьев җитәкчелегендәге Федоровское урта мәктәбе җыелма командасы ышанычлы җиңү яулады, икенче-өченче урыннарда Бәрлебаш һәм Борындык төп мәктәпләре җыелма командалары. Барлык җиңүчеләрне һәм призерларны котлыйбыз һәм яңа уңышлар телибез!
Татарстан Республикасы Авыл хуҗалыгы һәм азык-төлек министрлыгы “Татарстан Республикасы агросәнәгать комплексының иң яхшы хезмәткәре” республика конкурсына гаризалар кабул итә башлады, ул авылда квалификацияле хезмәткәрләрнең статусын һәм абруен күтәрү максатында оештырыла.
Роспотребнадзор хәбәр иткәнчә, 2019 елның 22 октябрендә Кайбыч муниципаль районы башкарма комитеты белгече тарафыннан кулланучылар хокукларын һәм законлы мәнфәгатьләрен яклауның актуаль мәсьәләләре буенча халыкка консультацияләр үткәреләчәк.
19 октябрь көнне Надеждино күп функцияле үзәгендә Көзге бал булып узды. Кич буе "Барыня" ансамбле башкаруында кызыклы конкурслар, уеннар, мәзәк күренешләр һәм җырлар халыкка күңелсезләнергә ирек бирмәделәр. Кичә барышында көз королен һәм королевасын сайладылар. Чарада катнашучылар күтәренке күңел алдылар.
20 октябрьдә кайбычлылар безнең район егетләре хезмәт иткән хәрби частьта Ульяновскида булып кайтты. Анда солдатлар өчен район мәдәният йорты коллективы, яшь армиячеләр һәм администрация хезмәткәрләре катнашында концерт оештырылды. Бу көнне частька солдатларның әти-әниләре дә килгән иде.
18-20 октябрьдә Чувашия Республикасының Яңа Чабаксар шәһәрендә WKC версиясе буенча Россия каратэ федерациясенең X Кубогына турлар узды. Кубокта, Кайбыч районын яшь каратистлар, Владислав Васильев җитәкчелегендә шөгыльләнүчеләр - Никита һәм Владислав Козловлар тәкъдим итте. Алар команда кумитэ бүлегендә 12-13 яшьлекләр арасында 1 урынны яуладылар. Без аларны котлыйбыз!