ЯҢАЛЫКЛАР
Бәрлебаш авылында Үзәк (Центральная) урамында 200 метр озынлыкта вак таштан юл җәелә. Эшне "Вираж-плюс" җаваплыгы чикләнгән җәмгыяте подрядчы оешмасы башкара. Бәрлебаш авылында эшләр тәмамланганнан соң, әлеге подрядчы оешма Олы Кайбыч авылында Яр буе (Набережная) урамында юл салачак.
«Турникетсыз атна» Бөтенроссия акциясе кысаларында Колаңгы төп гомуми белем бирү мәктәбе укучылары 18 октябрь көнне "Казан тегермәне" җаваплылыгы чикләнгән җәмгыятенең Колаңгы икмәк кабул итү предприятиесендә булдылар. Әлеге проектның идеясе мәктәп укучыларының предприятие эше белән турыдан-туры танышуыннан гыйбарәт. Акция балаларга үзләрен кызыксындырган мәгълүматны алу һәм хезмәткәрләр һәм белгечләр белән аралашу мөмкинлеге бирә.
Татарстан Республикасында төрле мессенджерларда хәбәр җибәрү юлы белән мошенниклык очраклары теркәлгән. Хатын-кызлар тавышы пенсионерларга Пенсия фондыннан 720 сум күләмендә акча түләргә вәгъдә итә. Шулай ук гаризаны тиз арада — 1 ноябрьгә кадәр шәхсән Пенсия фонды органнарында тапшырырга кирәк, дип хәбәр итә.
Барыгызны да 5 декабрь көнне 19.00 сәгатьтә район мәдәният йортында узачак Габделфәт Сафин концерт программасына чакырабыз. Билет бәясе 400-500 сум. Белешмәләр өчен телефон: 2-13-12, 2-16-72
25 нче октябрь көнне 15.00 сәгатьтә Кайбыч мәдәният йортында «Болгатып бутадык» дип исемләнгән көзге тамаша тәкъдим ителә. Шулай ук фойеда мәдәният хезмәткәрләренең “Көзге кәеф” дип исемләнгән күргәзмәләрен дә күрә аласыз. Керү 100 сум. Рәхим итегез!
Районның авыл хуҗалыгы һәм азык-төлек идарәсе мәгълүматларына караганда, 20 октябрьдә районда 3221 гектар мәйданда шикәр чөгендере җыю тулысынча төгәлләнде. Туфрак эшкәртү ахырына якынлаша. "Туган як-Агро" хуҗалыгында һәм "Агрофирма "Дубраваның" 1 нче һәм 2 нче филиалларда эшкәртү төгәлләнгән, өченче филиал бетереп килә.
Бүген Россия Кораллы Көчләре сафына биш якташны озаттылар.
20 октябрьдә кайбычлылар безнең район егетләре хезмәт иткән хәрби частьта Ульяновскида булып кайтты. Анда солдатлар өчен район мәдәният йорты коллективы, яшь армиячеләр һәм администрация хезмәткәрләре катнашында концерт оештырылды. Бу көнне частька солдатларның әти-әниләре дә килгән иде.
19 октябрь көнне район мәдәният йортында Олы Кайбыч урта мәктәбенең 2 А сыйныф укучылары "Репка" Минем әкият герое" дип исемләнгән рәсем конкурсында катнаштылар. Иҗади дәресләрдән соң, балалар "Репка" әкиятен уйнадылар. Шулай аларның курчак театры белән беренче танышу узды. Яшь дуслар театр сәнгатен яратучылар булыр һәм курчак театры түгәрәгендә шөгыльләнер дип ышанып калабыз.
21 нче октябрь-Юл хуҗалыгы хезмәткәрләре көне. Шул уңайдан Кайбыч районы башлыгы Альберт Рәхмәтуллин «Татавтодор» җәмгыятенең Кайбыч юл ремонт-төзелеш участогы хезмәткәрләрен һәм ветераннарын, районда юл төзелеше белән шөгыльләнүче эшмәкәрләрне тәбрик итә.