Колаңгы төп гомуми белем бирү мәктәбе укучылары "Казан тегермәне" җаваплылыгы чикләнгән җәмгыятенең Колаңгы икмәк кабул итү предприятиесендә булдылар
«Турникетсыз атна» Бөтенроссия акциясе кысаларында Колаңгы төп гомуми белем бирү мәктәбе укучылары 18 октябрь көнне "Казан тегермәне" җаваплылыгы чикләнгән җәмгыятенең Колаңгы икмәк кабул итү предприятиесендә булдылар. Әлеге проектның идеясе мәктәп укучыларының предприятие эше белән турыдан-туры танышуыннан гыйбарәт. Акция балаларга үзләрен кызыксындырган мәгълүматны алу һәм хезмәткәрләр һәм белгечләр белән аралашу мөмкинлеге бирә.
Чара Татарстан Республикасы Кайбыч муниципаль районы башкарма комитетының яшьләр сәясәте, физкультура һәм спорт бүлеге, Колаңгы икмәк кабул итү предприятиесе хезмәткәрләре һәм мәктәп администрациясе тарафыннан оештырылды.
Предприятие буйлап экскурсия оештыручы Сибгатуллина Наҗия иде. Лабораториядә ул пробаларның ничек алулары, предприятиегә кергән бөртекнең дымлылыгын һәм чүплелеген ничек ачыклавы турында сөйләп кенә калмады, механизмнарның эшен дә күрсәтте.
Мәктәп укучыларына он һәм көртлекләрнең ничек алулары, һәр башняның күпме ашлык сыйдыруы, ашлык киптерү һәм башка күп нәрсәләр турында сөйләделәр һәм күрсәттеләр. Сыйныф укучыларына әлеге экскурсия ошады. Хәзер алар табынга икмәк килүен төгәл белә.