ЯҢАЛЫКЛАР

Авыл хуҗалыгы һәм азык-төлек идарәсеннән алынган мәгълүматларга караганда, бүгенге көндә районда көзге бодай чәчү бара. 9600 гектарда чәчү төгәлләнгән, бу 88 процент тәшкил итә.
 

Бүген Корноухово авылында яшәүче Захарова Валентина Афанасьевна үзенең 80 яшьлек юбилеен билгеләп үтә. Район башлыгы исеменнән юбилярны район Советы Аппараты җитәкчесе Рамилә Айзатуллова котлады, Валентина Афанасьевнага нык сәламәтлек, озын гомер теләде, Район башлыгының Рәхмәт хатын тапшырды.
 

16 сентябрьдә «кадастр эшчәнлеге турында» һәм «күчемсез милекне дәүләт теркәвенә алу турында» законнарга кертелгән үзгәрешләр үз көченә керә. Татарстан Росреестры һәм Татарстан Республикасы буенча Кадастр палатасы экспертлары аңлатканча, Федераль закон (17.06.2009 елдагы 150-ФЗ номерлы федераль закон) күчемсез милекнең Бердәм дәүләт реестрында (ЕГРН) күрсәтелгән мәйданга туры килмәгән җир кишәрлекләре чикләрен ачыклау тәртибен билгели. 
 

Бүген Татар академия дәүләт опера һәм балет театры. М. Җәлил архитектура өлкәсендә Ага Хан премиясен тапшыру тантанасы узачак.
 

14 сентябрьдә Казан шәһәрендә авыл хуҗалыгы ярминкәләре башланып китә. Анда безнең районнан "Кубня", "Дубрава", "Золотая Нива", "Родина", "Подберезье", "СЛ-Агро" авыл хуҗалыгы предприятиеләре вәкилләре, шулай ук Мәлки авыл җирлеге, икмәк комбинаты, "СЛ-Молоко", "Союз Агро", "Йолдыз" кооперативлары һәм шәхси эшмәкәрләр катнашачак. Ярминкә "Бәхетле" сәүдә үзәгенең парковка мәйданчыгы территориясендә узачак.
 

          12 сентябрьдә район контроль-хисап палатасы рәисе Александр Кучумов һәм Федоровскоке урта гомуми белем бирү мәктәбе директоры Михаил Серяков составындагы район делегациясе Чистай шәһәрендә император православие палестина җәмгыятенең еллык конференциясендә катнашты. Конференциядә Кайбыч районы император православие палестина җәмгыяте вәкиллеге әгъзаларына чын әгъзаларның билетлары, шулай ук бронза билгеләре тапшырылды.

Бүген Олы Урсак фельдшер-акушерлык пункты мөдире, фельдшер Әхмәтҗанова Асия Газизулла кызы үзенең 60 яшьлек юбилеен билгеләп үтә. Район үзәк хастаханәсе коллективы исеменнән аны баш табиб Гөлнара Сафиуллина котлады, аңа нык сәламәтлек, бәхет, эшләрендә уңышлар һәм иң яхшы теләкләр теләде.
 

12 сентябрь көнне "Сабантуй" мәйданында "Кичке уен" бәйрәме узды. Анда район башлыгы Альберт Рәхмәтуллин, «НАЗ» Хәйрия фонды директоры Нурания Сәйфетдинова, Марий Эл республикасының Йошкар-Ола шәһәреннән килгән кунаклар, Казан шәһәреннән к. Тинчурин драма театры артистлары,  районыбызның фольклор ансамбльләре, район халкы катнашты.
 

Татарстанда дәүләт кадастр исәбенә куюның уртача вакыты соңгы өч елда уннан алты көнгә кадәр кимегән. Бу электрон сервисларны гамәлгә кертү һәм ведомствоара хезмәттәшлекнең төрле формаларын үстерү аркасында мөмкин булды.
 

Татарстан Республикасы Экология һәм табигый байлыклар министрлыгы Олы Кайбыч авылында 2019 елның 19 сентябрендә 13 сәгатьтә Татар районара табигать саклау прокуроры, юстиция өлкән киңәшчесе И. И. Гыйльметдинов, Татарстан Экология һәм табигый байлыклар министрының беренче урынбасары Ф. Ф. Шакиров гражданнарны кабул итәчәк.