ЯҢАЛЫКЛАР
Иске Тәрбит авыл җирлегенең ирекле янгын сагы Россия гадәттән тыш хәлләр министрлыгының Татарстан Республикасы буенча Баш идарәсенең янгын сүндерү эшен пропагандалау һәм ирекле янгын саклау бүлекчәләрен үстерүгә бәяләп бетергесез өлеш керткәне өчен Рәхмәт хаты белән бүләкләнде. Әлеге Рәхмәт хатын район башлыгы Альберт Рәхмәтуллин чираттагы эшлекле киңәшмәдә тапшырды.
Республиканың финанс системасы органнарында озак еллар нәтиҗәле хезмәте өчен Татарстан Республикасы Финанс министрлыгының казначылык Департаменты территориаль бүлегенең бюджет үтәлеше бүлегенең әйдәп баручы белгеч-эксперты Финанс министрлыгының Мактау грамотасы белән бүләкләнде. Лидия Валериановнага Мактау грамотасын чираттагы эшлекле киңәшмәдә район башлыгы Альберт Рәхмәтуллин тапшырды.
Бүгенге көндә Олы Кайбыч авылында күп балалы гаиләләр һәм ятим балалар өчен Гисматуллин урамында 16 фатирлы торак йорт төзелә. Эшне "ПСК "Народный дом" оешмасы башкара.
«Финанс хезмәтләрен кулланучылар хокуклары буенча вәкаләтле вәкил турында "2018 елның 4 июнендәге 123-ФЗ номерлы Федераль закон нигезендә кулланучылар өчен мәҗбүри булган ОСАГО, КАСКО һәм ДСАГО килешүләре буенча иминият оешмалары белән бәхәсләрне җайга салуның яңа тәртибе билгеләнде: әгәр иминият оешмасы кулланучының таләпләрен канәгатьләндерүдән баш тартса, кулланучыга суд мөрәҗәгатенә кадәр үзенең хокукларын яклау өчен финанс вәкиленә мөрәҗәгать итәргә кирәк.
Бүген Мәлки авыл җирлеге территориясендә зиратларны чүп-чардан, үскән агачлардан, куаклардан чистарту буенча өмә булып узды. Күп кенә авыл халкы бу чакыруны кабул итте һәм иртә белән зиратка килде. Барлыгы 15кә якын ирекле кеше эшләде. Авыл җирлеге хакимияте биргән трактор белән зират территориясеннән чүп-чар чыгарылды.
Пенсия фондының Татарстан бүлеге гражданнарга массакүләм СМС-тарату аша хәбәр итә башлый. Әлеге яңалык инде бүген үк эшләтеп җибәрелгән һәм Пенсия фонды эшчәнлеге компетенциясенә кергән төрле тематикаларда булачак.
"Халык контроле" ТР Дәүләт мәгълүмат системасы кулланучыларга матди бүләк тапшырды. Татарстан Республикасының барлык гражданнары 1 меңнән 3 мең сумга кадәр матди түләүләрне ала алалар.
Бүген Кайбыч мәчетендә Ураза бәйрәме хөрмәтенә бәйрәм намазы узды. Бәйрәм тантанасын районның имам-мөхтәсибе Дамир хәзрәт Гыйниятуллин алып барды. Ул Ураза гаете вәгазен укыды, бәйрәм уңаеннан Татарстан мөфтие Камил хәзрәт Сәмигуллинның һәм район башлыгы Альберт Рәхмәтуллинның котлауларын җиткерде.
"Хөрмәтле кайбычлылар! Сезне чын күңелдән Ураза бәйрәме белән тәбрик итәм! Ураза кешеләрдә сабырлык, тынычлык ярату, кайгыртучанлык хисе тәрбияли. Ураза тоту - мөселманнарга Аллаһы Тәгаләгә сыенуларын раслау өчен аерым бер форсат, чөнки ул Ислам динендә ураза тотучының фәкать үз вөҗданына йөкләнгән бердәнбер йола булып тора. Кайбыч мөселманнарына миһербанлылык, гаделлек, имин тормышка омтылу, кешеләргә шәфкатьле, мәрхәмәтле булу кебек мәңгелек кыйммәтләр хас. Ураза бәйрәме рухи бердәмлегебезне арттырсын, йөрәкләребезгә җан җылысы, сөенеч, игелек һәм мәхәббәт нуры өстәсен! Сезгә ихлас күңелдән исәнлек-саулык, тынычлык һәм иминлек телим!
Бүген Ульянково мәктәбенең Инглиз теле укытучысы Кириллова Евгения Геннадьевна үзенең юбилеен билгеләп үтә. Район башлыгы исеменнән аны район Советы Аппараты җитәкчесе Рамилә Айзатуллова котлады, аңа нык сәламәтлек, озын гомер, эшләрендә уңышлар теләде, шулай ук район Башлыгының Рәхмәт хатын тапшырды.