ЯҢАЛЫКЛАР
3 декабрь көнне Кече Мәми авылының «Бердәм Россия» сәяси партиясенең Кече Мәми беренчел бүлекчәсе әгъзалары Халыкара инвалидлар көне кысаларында, тәрбиягә бала алган гаиләдә тәрбияләнә торган Сиринә Хәйретдинованың өендә булдылар. Сирина, шатлыкларын яшермичә, кунаклар белән аралашты, мавыгулары, мәктәптәге уңышлары турында сөйләде.
1 декабрь көнне Кече Мәме авылы мәдәният йортында методисты Людмила Козина "Без СПИДка каршы!" дип исемләнгән мәгълүмат сәгате үткәрде. Чараның максаты: яшүсмерләрнең игътибарын СПИД проблемасына җәлеп итү, яшьләр арасында сәламәт яшәү рәвешен пропагандалау һәм сәламәтлегенә җаваплы караш формалаштыру. Чара барышында яшьләр белән әңгәмә үткәрелде, ул мультимедиа презентациясе белән үрелеп барды. Барысы да проблеманы тикшерүдә актив катнашты.
2 декабрьдә Казан шәһәренең Идел буе районы балалар сәнгать мәктәбендә "Sempre vivo" III Республика вокаль һәм инструменталь классик музыка конкурс-фестивале узды. Конкурста Кайбыч балалар сәнгать мәктәбе укучылары апалы-сеңелле Гыйрфановлар Нәзилә һәм Газизә катнашты. II яшь төркемендә (9-10 яшь) «Инструменталь ансамбльләр» номинациясендә кызлар II дәрәҗә лауреат дипломы белән бүләкләнде. Мәдәният үсешенә һәм классик музыка традицияләрен саклауга керткән зур шәхси өлеше өчен укытучы Резедә Хисамова рәхмәт хаты белән бүләкләнде.
1 декабрь көнне Буа шәһәренең 1нче балалар сәнгать мәктәбендә «Иҗади тандем» ансамбльләр башкаруының региональ конкурсы булып узды. Конкурста безнең Идел буе төбәге районнарыннан, шулай ук Чуваш Республикасы һәм Ульяновск шәһәреннән вокаль һәм инструменталь ансамбльләр катнашты. Кайбыч балалар сәнгать мәктәбеннән «Фортепиано», «Вокал», «музыкаль фольклор» һәм "халык инструментлары (баян)" бүлекләре укучылары көч сынашты.
1 декабрь көнне Бөтендөнья СПИДка каршы көрәш көне уңаеннан " Салават күпере "спорт-сәламәтләндерү комплексында 2007 елда туган һәм аннан да яшьрәк егетләр һәм кызлар арасында "сәламәт яшәү рәвеше өчен" баскетбол буенча турнир узды.
Кайбыч муниципаль районының Олы Кайбыч авылындагы Үзәк балалар китаханәсендә “Балачак иленә сәяхәт” исеме астында әдәби кичә узды. Аны Үзәк балалар китапханәсе "Миләшкәү" балалар бакчасы белән берлектә үткәрде. Әлеге кичә танылган балалар шагыйре Шәүкәт Галиевнең туган көненә багышланды. Олы Кайбыч авылының “Миләшкәй” балалар бакчасыннан килгән нәниләр Шәүкәт абыйларының шигырьләрен сөйләде, район сәнгать мәктәбендә шөгыльләнүче балалар матур җырлар башкарды. Китапханәче апалары исә кичәдә катнашучы һәр балага истәлекле бүләкләр тапшырды.
Бу көнне шундый гүзәл бәйрәме белән аны башкарма комитеты җитәкчесе Алексей Макаров һәм Борындык авыл җирлеге башлыгы Рифат Гыймадиев котлады.
Район башлыгы Альберт Рәхмәтуллин исеменнән юбилярны район башлыгы урынбасары Рәмис Хәялиев котлады. Ул юбилярга нык сәламәтлек, озын гомер теләде һәм район башлыгының рәхмәт хатын тапшырды.
Район башлыгы Альберт Рәхмәтуллин исеменнән юбилярны район Советы аппараты җитәкчесе Рамилә Айзатуллова котлады. Ул юбилярга нык сәламәтлек, бәхет һәм иминлек теләде, шулай ук район башлыгының рәхмәт хатын тапшырды.
Юбилярны район башлыгы Альберт Рәхмәтуллин исеменнән Кайбыч районы башлыгының коррупциягә каршы көрәш буенча ярдәмчесе Фәния Петухова һәм Кошман авыл җирлеге башлыгы Лилия Сафина котлады. Алар юбилярга озын гомер, ныклы сәламәтлек теләделәр һәм аңа район башлыгының рәхмәт хатын тапшырдылар.