ЯҢАЛЫКЛАР

Бүген Кукмара шәһәрендә Татарстан Республикасында Террорчылыкка каршы комиссиянең һәм Татарстан Республикасында наркотикларга каршы комиссиянең Татарстан Республикасы Президенты Р.Н. Миңнеханов катнашында уртак күчмә утырышы узачак. 
 

20 апрель көнне Олы Кайбычта "Кайбыч ягы музее" ачылды. Ул районның 28-еллыгын бәйрәм итү кысаларында узды. Ачу тантанасында ТР Президентының территорияләр белән эшләү буенча идарәсенең баш киңәшчесе Илфат Сөнгатуллин, РФ Дәүләт Думасы депутаты Илдар Гыйльметдинов, ТР Югары Советы депутаты, КФУ ректоры Илшат Гафуров, якташларыбыз- ТР Дәүләт Советы депутаты, генерал-майор Рафил Ногманов, Татарстанның халык артисты Лидия Әхмәтова, районның беренче җитәкчесе Азат Хәнифәтуллин, аннан соң район башлыгы булган Җәүдәт Гаффаров катнашты.

Бүген район Советы һәм Башкарма комитетының актлар залында район башлыгы Альберт Рәхмәтуллин рәислегендә Кайбыч муниципаль район Советының 31 нче утырышы узды. Утырышта депутатлар, район прокуроры вазыйфаларын башкаручы, бүлек башлыклары, район газетасы вәкилләре, оешма һәм учреждение җитәкчеләре катнашты.
 

Бүген эшлекле киңәшмәдә район башлыгы Альберт Рәхмәтуллин шушы көннәрдә туган көннәрен билгеләп үткән җитәкчеләрне котлады - бу РФ Эчке эшләр министрлыгының Кайбыч районы буенча бүлеге начальнигы Рушан Хуҗин һәм «Татарстан Республикасы Кайбыч муниципаль районы үзәкләштерелгән бухгалтериясе» муниципаль учреждениесенең баш бухгалтеры урынбасары Ильяс Галиуллин. Район башлыгы аларга эшләрендә һәм тормышта уңышлар теләде.

Бүген район Советы һәм Башкарма комитетының актлар залында Кайбыч муниципаль район башлыгы Альберт Рәхмәтуллин җитәкчелегендә оешма һәм учреждение җитәкчеләре, авыл җирлекләре башлыклары катнашында киңәшмә узды.
 

Бүген Татарстан Республикасы Хөкүмәте Йортында узган республика киңәшмәсендә Татарстан Республикасы ТР вице-премьеры - Авыл хуҗалыгы һәм азык-төлек министры Марат Әхмәтов язгы кыр эшләренең агымдагы темплары турында хәбәр итте.

Кайбыч районы «Өмет» халыкка социаль хезмәт күрсәтү үзәгенең гаиләгә һәм балаларга социаль ярдәм бүлеге тарафыннан Олы Кайбыч авылының ял паркында "Язгы мәрхәмәт атнасы" эстафетасы кысаларында Кайбыч районының туган көне алдыннан социаль хезмәт күрсәтү үзәге карамагындагы балалар белән ял паркына экскурсия оештырылды. 
 

Кайбыч муниципаль районы башкарма комитеты һәм ТР Дәүләт алкоголь инспекциясенең ЗТО белгечләре кулланучылар хокукларын һәм законлы мәнфәгатьләрен яклауның актуаль мәсьәләләре буенча халыкка консультацияләр бирәчәк.
 

– Хөрмәтле җирле үзидарә хезмәткәрләре! Кайбыч муниципаль район Со-веты, башкарма комитеты исеменнән сезне чын күңелдән һөнәри бәйрәмебез уңаеннан кайнар котлыйм. Сезнең хезмәт авыр да, җаваплы да. Авыл халкы, үзләрен борчыган проблемалар, сораулар белән, иң беренче чиратта, авыл җирлегенә мөрәҗәгать итә. Һөнәри осталык, намуслылык, тәвәккәллек кебек сыйфатларга ия булу белән беррәттән, сезгә оста оештыручы, идарәче дә булырга туры килә. Алдыбызга куелган төп бурыч – халыкның тормыш дәрәҗәсен күтәрү, районыбызны яшәр, эшләр, ял итү өчен тагын да уңайлы-рак итү. Үзара салым буенча кабул ителгән программаның уңышлы эшләве мактауга лаек. Бу эшләрне уңышлы башкару җирле үзидарә органнары хезмәткәрләренең осталыгына гына түгел, ә гражданнарның активлыгына, җитәкчеләр белән бергә эшли белүенә, теләсә нинди катлаулы мәсьәләләрне чишү ысулларын табуына да бәйле. 
 

Бүген Олы Кайбычта Кайбыч районы оешуга 28 ел тулуга багышланган бәйрәм узды. Анда район башлыгы Альберт Рәхмәтуллин, Дәүләт Думасы депутаты Илдар Гыйльметдинов, ТР Дәүләт Советы депутатлары Рафил Ногманов һәм Илшат Гафуров, районның элеккеге башлыгы Азат Хәнифатуллин һәм Җәүдәт Гаффаров, Кайбыч районы халкы һәм башка кунаклар катнашты.