ЯҢАЛЫКЛАР
Бу якшәмбедә православие дөньясы билгеләп үтәчәк Пасха бәйрәме ал-дыннан район башлыгы Альберт РӘХМӘТУЛЛИН кайбычлыларга му-ниципаль район Советы, башкарма комитет һәм шәхсән үз исеменнән котлавын ирештерде.
Бүген "Салават күпере" спорт-сәламәтләндерү комплексында Авыл җирлекләренең ир - ат командалары арасында волейбол буенча IV Кайбыч районы Чемпионатының финал этабы узды. Плей-офф системасында регуляр чемпионат нәтиҗәләре буенча иң яхшы 8 команда призлы урыннар яулады. Нәтиҗәләр буенча, дүртенче ел рәттән Иске Тәрбит авыл җирлеге җыелма командасы чемпион булды, Мәлки авыл җирлеге командасы 2 урында һәм Хуҗа Хәсән авыл җирлеге 3 урында. Призерларны район башлыгы исеменнән башкарма комитет җитәкчесе Алексей Макаров, "Форпост" үзәге директоры Юрий Михайлов, яшьләр сәясәте, физкультура һәм спорт бүлеге начальнигы Зөһрә Лотфуллина котлады. Барлык призерларга истәлекле бүләкләр, медальләр һәм грамоталар тапшырылды, ә чемпионат җиңүчеләренә өстәмә кубок тапшырылды. Без аларны котлыйбыз!
25 апрельдә Казан шәһәрендә Дәүләт Советы Рәисе Фәрит Мөхәммәтшин катнашында Бөтенроссия туган телләр форумы узды. Форум кысаларында «Илһам»Бөтенроссия яшь шагыйрьләр һәм язучылар конкурсына йомгак ясалды.
Бүген Казан шәһәрендә туган тел көненә һәм татар әдәбияты классигы Габдулла Тукайның тууына 133 ел тулуга багышланган тантаналы чара узды. Анда район башлыгы Альберт Рәхмәтуллин җитәкчелегендә район делегациясе катнашты.
Бүген Ульянково авылы мәдәният йортында җыелыш узды. Анда район башлыгы Альберт Рәхмәтуллин, «Ак Барс» холдинг компаниясе генераль директоры урынбасары Камил Галиев, «Ак Барс» холдинг компаниясенең персонал буенча генераль директор урынбасары Татьяна Чернова, районның авыл хуҗалыгы һәм азык-төлек идарәсе начальнигы Фиргать Басыйров катнашты.
2019 елның 25 апрелендә Казан шәһәрендә Казан федераль университетының инженерлык институты базасында башлангыч сыйныф укучылары арасында "ХХІ гасыр Кулибиннары" яшь уйлап табучылар Республика олимпиадасының икенче этабы узды. Безнең районның «ЭКО» мәктәптән тыш эшләр үзәгенең техник юнәлешле берләшмәсе укучылары Сәлахов Рамил (кече төркем) һәм Гарифуллин Эльмир (башлангыч төркем) җитәкчесе Сирин Гарифуллин җитәкчелегендә ике икенче призлы урын алдылар. Без аларны котлыйбыз!!!
26 апрель бөек татар шагыйре Габдулла Тукайның туган көне. Бүген бу уңайдан Галия Кайбицкая исемендәге музейда тантаналы чара үтте. Бәйрәм чарасы иң беренче татар теленең гимнына әйләнгән “Туган тел” җыры белән башланып китте, аннары музей директоры Энҗе Мингалиева, Габдулла Тукайны бөек татар шагыйре булырлык итеп тәрбияләгән Мотыйгулла Төхвәтуллинның роле турында сөйләде. Шигырь бәйрәмендә Олы Кайбыч, Бәрлебашы, Борындык, Федоровский, Багай мәктәпләре укучылары катнашты. Алар Габдулла Тукай шигырьләрен, үзләре иҗат иткән һәм башка авторларның Тукайга багышлап язылган шигырьләрен сөйләделәр, җырлар тыңладылар шулай ук шагыйрьнең тормыш юлына һәм иҗатына багышланган викторинада катнаштылар. Китапханә хезмәткәрләре музей залында Габдулла Тукайга багышланган китаплар күргәзмәсе оештырды.
Бүген Казан шәһәрендә алдан тавыш бирү кысаларында дәүләт хакимияте һәм җирле үзидарә органнарына кандидатлар сайлау буенча дебатлар узачак. Дебатларда безнең район башлыгы Альберт Рәхмәтуллин катнашачак. "Заманча авыл: төп проблемалар һәм үсеш механизмнары" дебатларның төп темасы булачак. Дебатлар 18:00 сәгатьтә башлана. Катнашучыларның дебатларын турыдан-туры онлайн-трансляцияләүгә сылтама https://pg.er.ru/pub/debate/5566.
Бүген Галия Кайбицкая музеенда 10:00 сәгатьтә Туган тел көненә һәм Габдулла Тукайның тууына 133 ел тулуга багышланган шигърият көне узачак. Анда туган телдә шигырьләр сөйләүче гомуми белем бирү оешмалары укучылары катнашачак. Шулай ук викторина да узачак.
Хөрмәтле Кайбыч районы халкы! Язгы-җәйге чорда янгын куркынычы дәрәҗәсе артуга бәйле рәвештә, «янгын куркынычсызлыгы турында» 1994 елның 21 декабрендәге 69-ФЗ номерлы Федераль законның 30 статьясы һәм «янгын куркынычсызлыгы турында»1993 елның 18 маендагы 1866-XII номерлы Татарстан Республикасы Законының 25 статьясы нигезендә.