ЯҢАЛЫКЛАР

Татарстан Республикасы буенча Росреестр Идарәсе тарафыннан ташламалы ипотека дәүләт программасы гамәлдә булган ике ай эчендә 6,5% ставкасы белән 753 ипотека теркәлгән. Төзелгән килешүләр саны буенча Казан – 439 һәм Яр Чаллы – 161 лидер булды.

30 июль көнне “Кайбыч балалар сәнгать мәктәбе” муниципаль бюджет өстәмә белем бирү учреждениясендә узган очрашуда Кайбыч муниципаль районы Башкарма комитеты эшлəре белəн идəрə итүче Бəдертдинова Дания Əкраметдин кызы, Олы Кайбыч авыл җирлеге Башкарма комитеты җитəкчесе Сафин Рəмис Бəгдетдин улы июнь – июль айларында түгәрәк даталарын билгеләп үткән юбилярларны туган көннәре белән котлап, аларга  район башлыгының Рәхмәт хатларын тапшырдылар. Гобаева Лилия Шафигулла кызы, Җамалетдинов Мансур Кыяметдин улы, Тимершина Савия Бәхетгәрәй кызы, Ильязова Гөлнур Мирза кызы, Галиаскарова Мәдинә Газизулла кызы, Галямова Фәридә Зәит кызы Кайбычта төрле тармакларда намус белән хезмәт куйган, районыбыз үсешенә үзләреннән лаеклы өлеш керткәннәр. Аларга уңышларның иң зурысын, гомернең иң озынын, киләчәкнең иң матурын, сәламәтлекнең иң ныгын теләделәр.

Министр боерыгы белән агымдагы елның маенда республикада сөт терлекчелегенә цифрлы технологияләр кертү буенча эшче төркем төзелде һәм һәр районда база хуҗалыклары билгеләнде. 2,5 ай эчендә терлекләр белән эш итү программасын 30 хуҗалыкта урнаштырганнар, бу планның 71%ын тәшкил итә. Шулай ук 20 хуҗалык - бу 48% – тукландыруга идарә итү программасы аша катнаш азык әзерләү эшен оештырдылар.

Россия Федераль салым хезмәтенең Татарстан Республикасы буенча № 8 нче районара Федераль салым хезмәте хәбәр итә: Россия Федерациясе Хөкүмәтенең 02.07.2020 ел, № 976 карары белән, яңа короновирус йогышын профилактикалау чараларын үткәрү өчен, кече һәм урта эшкуарлык субъектларына һәм социаль юнәлешле коммерциячел булмаган оешмаларга субсидияләр бирү кагыйдәләре билгеләнгән.

Кайбыч муниципаль район Советының 44 нче утырышы узды. Утырышта бүлек башлыклары, палаталар рәисләре, оешма һәм учреждение җитәкчеләре катнашты. 

Татарстанда иң яхшы комбайнчыларны бүләкләү өчен 100әр мең сумлык 200 грант каралды. Бу хакта бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары – авыл хуҗалыгы һәм азык-төлек министры Марат Җаббаров хәбәр итте.

Татарстан Республикасында барлыгы 1,5 млн. га мәйданда бөртекле һәм кузаклы культуралар җыеп аласы бар, шулардан:көзге бодай – 361 мең га, көзге арыш - 10 мең га, сабан бодае – 413 мең га, арпа – 468 мең га, борчак – 60 мең га.

Салават күпере» спорт-сәламәтләндерү комплексы бассейнында йөзү буенча тренировка уза.

Авыл хуҗалыгы һәм азык- төлек идарәсенең җитештерү-маркетинг бүлеге начальнигы итеп Рәис Нигъмәтҗанов билгеләнде. Аңа кадәр бу вазифада эшләгән Евгений Баймиев лаеклы ялга китте.

Галия Кайбицкая музеенда Төхвәтуллиннар нәселендәге Гаилә ядкаре саклана.Ул төрле юлламаларга рельеф мөһерләре ясау өчен кулланыла.