ЯҢАЛЫКЛАР

Юрийга яңа йорт ачкычларын район башлыгы Альберт Рәхмәтуллин тапшырды. Ачылу тантанасында шулай ук Башкарма комитеты җитәкчесенең социаль мәсьәләләр буенча урынбасары Алия Биккулова, Надеждино авыл җирлеге башлыгы Екатерина Савельева катнашты. Бу шатлыкны уртаклашырга Юрийның сеңелләре - Елена Кузнецова һәм Наталья Щепанцова да килгән иде.
 

15 ноябрьдә Татарстанның Халыклар дуслыгы йортында «Татарстан – Яңа Гасыр» Югары Советының киңәйтелгән утырышы узды. Хәрәкәт әгъзалары узган сайлау кампаниясенә йомгак ясадылар, 2020 елга сәяси кампаниягә бурычлар билгеләделәр, җирле структуралар һәм "Татарстан-Яңа Гасыр" телеканалының гражданнарның мөрәҗәгатьләрен һәм наказларын үтәү буенча эшчәнлеген анализладылар. Утырышны хәрәкәтнең Югары Советы Рәисе, ТР Дәүләт Советы Рәисе Фәрит Мөхәммәтшин үткәрде.
 

Бүген Хуҗа Хәсән авылында модульле фельдшер-акушерлык пункты ачылды. Анда район башлыгы Альберт Рәхмәтуллин, район үзәк хастаханәсе баш табибы Гөлнара Сафиуллина, Хуҗа Хәсән авыл җирлеге башлыгы Светлана Матвеева, яшь армиячеләр, авыл халкы катнашты.
 

Шушы көннәрдә Багай авыл җирлеге башлыгы Рушания Кузнецова һәм Багай авыл җирлеге ветераннары рәисе Рушания Камалова шушы авыл җирлегендә яшәүче өлкәннәр өчен Кайбыч ягы музеена һәм "Салават күпере" спорт-сәламәтләндерү комплексына экскурсия оештырдылар.

2019 елда Татарстан Республикасында тулы масштаблы цифрлы телевидениегә күчкәндә, социаль якланмаган категорияләргә адреслы ярдәм күрсәтү максатларында, 2019 елда цифрлы телевизион тапшырулар сигналын кабул итү өчен кирәкле булган цифрлы телевизион приставка, телевизион антеннаны сатып алу чыгымнарына бер тапкыр компенсация бирелә.
 

14 ноябрь көнне Кайбыч районының эшләүче яшьләре "Наше время - Безнең заман" VII эшче яшьләр иҗаты республика телевизион фестиваленең суперфиналында катнаштылар. Фестиваль Казанда Ленин исемендәге мәдәни-ял итү комплексының концертлар залында узды. Безнең яшьләр татар рок-н-ролл стилендә куелган "Бер генә минутка" композициясе белән чыгыш ясады.
 

Шушы көннәрдә Сосновка авылында яшәүче Демина Елена Викторовна үзенең 90 яшьлек юбилеен билгеләп үтте. Юбилярга озын гомер һәм сәламәтлек теләргә район Башкарма комитеты җитәкчесенең социаль мәсьәләләр буенча урынбасары Алия Биккулова һәм Олы Подберезье авыл җирлеге башлыгы Федор Чекмарев килделәр. Кунаклар Елена Викторовнага Россия Федерациясе Президенты Владимир Путинның котлау открыткасын, муниципаль район башлыгы Альберт Рәхмәтуллин исеменнән бүләк һәм котлау открыткасын тапшырдылар.
 

          8 нче ноябрь көнне «ЭКО» мәктәптән тыш эшләр үзәге базасында II Халыкара «Җәлил укулары» әдәби бәйгесенең 1 нче сайлап алу этабы узды. Конкурс кысаларында балалар шигырьләрне татар, рус, инглиз, телләрендә сөйләделәр. Аерым бер номинация буенча герой-шагыйрь турында үзләре язган шигырьләрне, эсселәрне сөйләү мөмкинлеге дә булды. Җәлилгә багышланган башка язучыларның әсәрләре дә яңгырады. Конкурста балалар бакчаларыннан һәм мәктәпләрдән барлыгы 69 бала катнашты. Шулар арасыннан төрле номинациядә һәм төрле яшь категориясендә 31 бала җиңү яулады. Алар мәгариф бүлегенең грамоталарына, ә катнашучылар сертификатка ия булдылар. Барлык җиңүчеләр дә Тәтеш районында узачак зона этабында катнашачаклар.

Бүген Кайбыч муниципаль район башлыгы Альберт Рәхмәтуллин Олы Кайбычта Гыйсмәтуллин урамындагы күп фатирлы торак йорт төзелешенең барышы белән танышты.
 

2019 елның 22 ноябрендә 14.00 сәгатьтән 16.00 сәгатькә кадәр Татарстан Республикасы Кайбыч муниципаль районында гражданнарны кабул итү планлаштырылган.  Аны Татарстан Республикасында Дәүләт хезмәт инспекциясе җитәкчесе урынбасары вазыйфаларын вакытлыча башкаручы Галләмов И.И. кабул итәчәк: Олы Кайбыч авылы, Кояшлы бульвар, 7 йорт, каб. 202. Алдан язылу өчен телефон 8 (84370) 2-12-60.