ЯҢАЛЫКЛАР
Бүген район башлыгы Альберт Рәхмәтуллин гражданнарны кабул итте. Кабул итүгә җир һәм торак характерындагы сораулар белән, эш мәсьәләсе буенча районның алты кешесе мөрәҗәгать итте.
Бүген район хакимиятенең актлар залында Россельхозбанк вәкилләре районның активы һәм авыл хуҗалыгы товар җитештерүчеләре белән очрашты. Чарада район башлыгы Альберт Рәхмәтуллин, «Россельхозбанк» АҖ филиалы Тәтеш шәһәрендәге өстәмә офис белән идарә итүче Наталья Рыжова, шулай ук авыл җирлекләре башлыклары, шәхси эшмәкәрләр һәм башкалар катнашты.
Шушы көннәрдә Борындык авыл җирлеге башлыгы Алмаз Гайнетдинов, "Татарстан Республикасы Эшмәкәрлеккә ярдәм итү фонды" Коммерциячел булмаган микрокредит компаниясенең Кайбыч муниципаль районындагы төбәк вәкиле Ләйсән Гаранина, район Башкарма комитеты җитәкчесенең икътисад мәсьәләләре буенча беренче урынбасары Эльвира Заһидуллина туган көннәрен билгеләп үттеләр.
Бүген район Советы һәм Башкарма комитетының актлар залында Кайбыч муниципаль район башлыгы Альберт Рәхмәтуллин җитәкчелегендә оешма-учреждение җитәкчеләре, авыл җирлекләре башлыклары катнашында киңәшмә узды.
8 февраль көнне Буа шәһәрендә Татарстан Республикасы прокуратурасы хезмәткәрләренең «Кызыл ромашка» иҗат бәйгесенең икенче зона этабы узды.
28 гыйнвар көнне Казан шәһәрендә әдәбият буенча Бөтенроссия мәктәп укучылары олимпиадасының төбәк этабы узды. Анда Кайбыч муниципаль районыннан муниципаль этап җиңүчеләре, Олы Кайбыч урта мәктәбе укучылары Тимергалиева Алинә (8 сыйныф), Мареева Анастасия (10 сыйныф) һәм Лазарева Анастасия (11 сыйныф) катнаштылар. Кызлар олимпиада биремнәрен лаеклы үтәделәр һәм региональ этап нәтиҗәләре буенча Тимергалеева Алинә республика олимпиадасы призеры булды, Лазарева Анастасия - Бөтенроссия мәктәп укучылары олимпиадасының региональ этабы призеры. Җиңүчеләрне котлыйбыз һәм киләчәктә дә уңышлар телибез!
Һәр тармакта берьюлы берничә бренд-җиңүче билгеләнәчәк. ТАССРның 100 еллыгына багышланган «Татарстан Республикасының 100 легендар бренды» проектының максаты – төбәкнең үткәнен, бүгенгесен һәм киләчәген үзара бәйләү.
Бүген Казанда 10:00 сәгатьтә Татарстан Республикасы Президенты Р.Н.Миңнеханов катнашында "2019 елда эш йомгаклары һәм 2020 елга бурычлар турында" Татарстан Республикасы Икътисад министрлыгы коллегиясенең киңәйтелгән утырышы узачак.
Чарада район башлыгы Альберт Рәхмәтуллин да катнашачак.