ЯҢАЛЫКЛАР
16 май көнне Олы Кайбыч авылының "Салават күпере" спорт комплексында Кайбыч районы оешуга 28 ел һәм Бөек Ватан сугышында Җиңүнең 74 еллыгына багышланган оешма, учреждение һәм предприятиеләрнең ир-ат командалары арасында волейбол буенча Чемпионатның финал этабы узды.
Кайбыч районы буенча Татарстан Республикасы Дәүләт техник күзәтчелеге бүлегенең яңа начальнигы итеп Олы Тәрбит авылында туып-үскән Серебряков Михаил Николаевич билгеләнде. Элек әлеге вазифаны биләгән Тимершин Рушан Рамил улы үз теләге белән эштән киткән иде.
Бүген Корноухово авылында яшәүче Титова Тамара Ивановна үзенең 60 яшьлек юбилеен билгеләп үтә. Район башлыгы исеменнән аны район Советы Аппараты җитәкчесе Рамилә Айзатуллова котлады, юбилярга ныклы сәламәтлек, озын гомер, иминлек теләде, шулай ук район башлыгы Альберт Рәхмәтуллинның Рәхмәт хатын тапшырды.
Бүген "Салават күпере" спорт-сәламәтләндерү комплексында район оешмаларының һәм учреждениеләренең ир-ат командалары арасында волейбол буенча район Чемпионатының финал этабы узачак. Анда 4 команда: полиция бүлеге, балалар-яшүсмерләр спорт мәктәбе, район электр челтәре һәм "Мәлки кусты" укытучылары катнашачак. Уеннар 15.00 сәгатьтә башлана.
2019 елның 15 маенда Кайбыч районында сулыкларны һәм аларның ярларын җыештыру буенча "Россия суы" Бөтенроссия экологик акциясе узды. Бу көнне авыл җирлекләре, мәктәпләр, район оешмалары һәм учреждениеләре көче белән елгаларны, чишмәләрне көнкүреш чүп-чарыннан, корыган агачлардан һәм былтыргы үләннән чистарту эшләре башкарылды. Шулай ук Олы Кайбыч район үзәгендә бәрле елгасы ярларын төзекләндерү һәм яшелләндерү буенча эшләр башкарылды. Акциядә 824 кеше катнашты, 56.1 километр озынлыктагы территория чистартылды һәм 16.1 тоннага якын чүп-чар җыелды.
Бүген Корноухово егете Алексей Распретехинны армиягә озаттылар. Кайбыч балалар сәнгать мәктәбе бинасы янында үткәрелгән проводларда район хакимияте, хәрби комиссариат вәкилләре, шулай ук хәрби хезмәткә чакырылучының ата-аналары, якыннары һәм дуслары катнашты.
Бүген мәгариф бүлегенең актлар залында җыелыш булып узды, анда районның үзәкләштерелгән бухгалтериясенең яңа директорын тәкъдим иттеләр. Ул - Вәлиева Лилия Рифкать кызы. Элек әлеге вазифаны биләгән Газизова Миләүшә Фазыл кызы биржа мәйданчыгы буенча әйдәп баручы белгеч вазыйфасына күчерелде. Җыелышта район башлыгы Альберт Рәхмәтуллин, финанс-бюджет палатасы рәисе Ландыш Михайлова, мәгариф бүлеге җитәкчесе Илмас Хәмидуллин катнашты.
Россия Федерациясе Авыл хуҗалыгы министрлыгының 6 майга оператив күрсәткечләре буенча Россия төбәкләре арасында тәүлек эчендә сөт сатуның максималь күләме Татарстан Республикасында 3,5 мең тоннага җитте. Бу күрсәткеч буенча икенче урында Краснодар крае-2,7 мең тонна, ә өченче урында Воронеж өлкәсе – 2,2 мең тонна.
15 майда Казанда Татарстан авыл хуҗалыгы һәм азык-төлек министрлыгы ярдәме белән Казан дәүләт аграр университеты базасында 15-16 майда узачак АгроНТИ-2019 Бөтенроссия конкурсының төбәк этабын ачу тантанасы узды. Конкурс авыл мәктәпләре укучылары арасында 5-11 сыйныф укучылары арасында үткәрелә.
Билгеле булганча, күчемсез милеккә хокукларны һәм аның белән алыш-бирешләрне дәүләт теркәвенә алганда юридик яктан әһәмиятле гамәлләр кылган өчен РФ Салым кодексы нигезендә дәүләт пошлинасы каралган. Әгәр ул түләнгән яки дөрес түләнмәгән икән, Росреестр документларын караудан башка кире кайтарырга тиеш. Шуның белән бәйле рәвештә Татарстан Росреестры дәүләт пошлинасын түләү, артык түләнгән дәүләт пошлинасын кире кайтару тәртибе турында искә төшерә, шулай ук аның күләмен кайсы очракларда киметергә һәм түләүдән азат ителә, дип искә төшерә.