ЯҢАЛЫКЛАР
Бүген Кече Кайбыч авылында яшәүче Газимҗанова Хәдичә Газимҗан кызы үзенең 90 яшьлек юбилеен билгеләп үтә. Шундый истәлекле көн белән юбилярны район башлыгы Альберт Рәхмәтуллин котлады. Ул Хәдичә Газимҗановнага нык сәламәтлек, озын гомер теләде, аңа Россия Федерациясе Президенты Владимир Путинның котлау телеграммасын, шулай ук бүләк һәм чәчәк бәйләме тапшырды. Юбилярны шулай ук Ябалак авыл җирлеге башлыгы Мөслимә Гыйззәтуллина да котлады.
18 июль көнне районда авыр тормыш хәлендә булган гаиләләргә рейд үткәрелде. Анда район башлыгы Альберт Рәхмәтуллин, полиция бүлеге начальнигы Рушан Хуҗин, социаль яклау бүлеге начальнигы Наталья Багавеева, социаль яклау белгечләре, балигъ булмаганнар эшләре һәм аларның хокукларын яклау буенча комиссия вәкиле Алия Сафина, опека һәм попечительлек бүлеге начальнигы Зөлфия Гарәфетдинова, полициянең участок уполномоченныйлары, авыл җирлекләре башлыклары катнашты. Комиссия Олы Подберезье, Ульянково һәм Федоровский авыл җирлегендә яшәүче гаиләләрдә булды.
Бүген район үзәк хастаханәсенең баш табибы Гөлнара Сафиуллина һәм хастаханә коллективы юбилярларны: табиб-педиатры Писарева Галина Петр кызын һәм шәфкать туташын Бакаева Дания Салават кызын котладылар.
Татарстанда кече хуҗалык формалары уңышлы үсә һәм кул хезмәтен автоматлаштыруга йөз тота. Хәтта кечкенә шәхси ярдәмче хуҗалыкларда һәм гаилә фермаларында да саву аппаратларыннан файдаланалар, терлекләрне ашату һәм эчүнең автоном системаларын кертәләр.
Татарстан Республикасы буенча Федераль салым хезмәте идарәсе бюджет каршында бурычлары булган гражданнар өчен илдән чыгуны тыю гамәлдә булуын искәртә.
Районның авыл хуҗалыгы предприятиеләренә ярдәм итү максатыннан Кайбыч муниципаль районы Советы һәм Башкарма комитеты хезмәткәрләре яфрак азык әзерләүдә катнаштылар.
2019 елның 16 июлендә Татарстан Республикасы буенча кадастр палатасында республика халкы өчен кайнар линия оештырылды. 10.00 сәгатьтән 12.00 сәгатькә кадәр ТР буенча Кадастр палатасының планлы бүлеге башлыгы Ксения Кузнецова гражданнарның мәгълүмат, белешмә, аналитик һәм консультация хезмәтләре күрсәтү тәртибе турындагы сорауларына җавап бирде.
16 июльдә Олы Кайбычта Татарстан Республикасы Икътисад министрлыгы тарафыннан район эшкуарлары катнашында баланс комиссиясе үткәрелде. Баланс комиссиясе кысаларында биш юнәлеш – «Биржа мәйданчыгы», «Үзмәшгульләр», «Авыл хуҗалыгы кооперациясе», «Контроль-күзәтчелек эшчәнлеге», «Ярдәм чаралары» буенча түгәрәк өстәлләр эше булды.
Татарстан Республикасы буенча Росреестр идарәсендә җитәкче урынбасары Ады Зәйдуллина җитәкчелегендә күчемсез милек базарында профессиональ катнашучылар - эре төзүчеләр, банклар, күчемсез милек агентлыклары өчен «түгәрәк өстәл» узды.
Бүген район авыл хуҗалыгы формированиеләрендә гадәттәгечә комбайннар парады, ягъни техниканың 2019 елгы урып-җыюга әзерлеген тикшерү узды. Тикшерүдә муниципаль район башлыгы Альберт Рәхмәтуллин, идарә башлыгы - Татарстан Республикасы Дәүләт техник күзәтчелек идарәсенең баш дәүләт инженер-инспекторы Радик Зыятдинов, район авыл хуҗалыгы идарәсе башлыгы Радик Камалетдинов, җәмгыять, район авыл хуҗалыгы һәм азык-төлек идарәсе белгечләре катнашты.