ЯҢАЛЫКЛАР

3 июльдә "Татарстанда кыр көне – 2019" кыр форматындагы күргәзмә-форум эше дәвам итте.  Анда безнең районнан авыл хуҗалыгы һәм азык-төлек идарәсе белгечләре, баш инженер, зоотехниклар, хуҗалык агрономнары, икътисадчылар һәм баш бухгалтерлар катнашты.
 

Бүген 10:00 сәгатьтә "Пирамида" мәдәни-күңел ачу комплексында Татарстан Республикасы Президенты каршындагы Эшкуарлык советының XII киңәйтелгән утырышы узачак.
 

Күчемсез милекне рәсмиләштергәндә, мәсәлән, сату-алу килешүләрен төзегәндә Бердәм дәүләт күчемсез милек реестрыннан (ЕГРН) өземтә хаталар белән очрашырга мөмкин. Хәзерге вакытта ЕГРНнан өземтә-күчемсез милек турында мәгълүмат тупланган универсаль һәм иң дөрес документ. Ә өземтә хата-бу бик күңелсез хәл, әмма аны хәл итәргә була.
 

2 июль көнне башкарма комитеты җитәкчесенең төзелеш һәм торак-коммуналь хуҗалык буенча урынбасары Фирдүс Әхмәтов Кайбыч торак-коммуналь хуҗалыгы директоры Фәннур Зиннуров белән берлектә Хуҗа Хәсән авылында булды. Әлеге объектта эшне Кайбыч ТКХ хезмәткәрләре башкара.
 

2 июльдә башкарма комитеты җитәкчесенең төзелеш һәм торак-коммуналь хуҗалык буенча урынбасары Фирдүс Әхмәтов Северная урамында күп балалы гаилә өчен бер фатирлы йорт төзелешенең барышы белән танышты. Төзелеш эшләрен "Халык йорты" төзелеш оешмасы башкара. Хәзерге вакытта бинаның стеналарын салу эшләре бара.
 

Шушы көннәрдә үзенең юбилеен башкарма комитеты шоферы Абзалов Фәнис Фәрит улы билгеләп үтте. Истәлекле көне белән аны район башлыгы Альберт Рәхмәтуллин котлады. Ул юбилярга нык сәламәтлек, эшендә уңышлар, иминлек теләде, шулай ук аңа истәлекле бүләк белән Рәхмәт хаты тапшырды.
 

Татарстан Республикасы буенча Росреестр идарәсендә җитәкче урынбасары Ада Зәйдуллина җитәкчелегендә ТР Төзелеш, архитектура һәм ТКХ министрлыгы вәкилләре белән эшлекле киңәшмә узды. Идарә исеменнән киңәшмәдә юридик затларның күчемсез милеген дәүләт теркәве һәм өлешләп катнашу килешүләре бүлеге җитәкчесе Лилия Борһанова да катнашты.
 

Татарстан Республикасы буенча Росреестр идарәсе Youtube каналында гражданнарга күчемсез милекне рәсмиләштергәндә нәрсәгә игътибар итәргә кирәклеген аңлатучы видеоролик урнаштырды. Татарстан Росреестры һәм Кадастр палатасы экспертлары - физик затларның күчемсез милеген дәүләт теркәве бүлеге башлыгы Энҗе Мөхәммәтгалиева һәм ЕГРН алып баруны тәэмин итү бүлеге башлыгы Анна Кайнова әңгәмә форматында йорт төзелеше алдыннан нинди гамәлләр башкарырга кирәклеге, күчемсез милек объектын нинди җир кишәрлегендә төзергә мөмкин булуы турында сөйләделәр, ачыкланган җир участогының чикләре торак пункт чиген кисеп үтә һ .б.
 

Бүген Олы Кайбычтан Рамил Сафин һәм Дмитрий Дунаев, Иске Чәчкабтан Рамазан Нигъмәтҗанов, Кече Кайбычтан Илмир Вахитов һәм Инсаф Гыйматдинов, Бәрлебаштан Рәдис Сибгатуллин армиягә китте. Бу көнне аларны әти-әниләре, туганнары, дуслары һәм сыйныфташлары озатты. Район башлыгы Альберт Рәхмәтуллин исеменнән солдатларга котлау сүзләрен район башкарма комитеты җитәкчесе Алексей Макаров җиткерде. Ул егетләргә хәерле юл, лаеклы хезмәт, исән-сау өйгә кайтырга теләде, шулай ук аларның гаиләләренә истәлекле бүләкләр тапшырды.