Олы Кайбычта армиягә озату узды

2019 елның 2 июле, сишәмбе

          Бүген Олы Кайбычтан Рамил Сафин һәм Дмитрий Дунаев, Иске Чәчкабтан Рамазан Нигъмәтҗанов, Кече Кайбычтан Илмир Вахитов һәм Инсаф Гыйматдинов, Бәрлебаштан Рәдис Сибгатуллин армиягә китте. Бу көнне аларны әти-әниләре, туганнары, дуслары һәм сыйныфташлары озатты. Район башлыгы Альберт Рәхмәтуллин исеменнән солдатларга котлау сүзләрен район башкарма комитеты җитәкчесе Алексей Макаров җиткерде. Ул егетләргә хәерле юл, лаеклы хезмәт, исән-сау өйгә кайтырга теләде, шулай ук аларның гаиләләренә истәлекле бүләкләр тапшырды. Шулай ук проводларда беренчел хәрби исәпкә алу буенча белгеч Сәвия Зиннурова һәм "Форпост" үзәге директоры Юрий Михайлов катнашты.