ЯҢАЛЫКЛАР

2 июль көнне башкарма комитеты җитәкчесенең төзелеш һәм торак-коммуналь хуҗалык буенча урынбасары Фирдүс Әхмәтов Кайбыч торак-коммуналь хуҗалыгы директоры Фәннур Зиннуров белән берлектә Хуҗа Хәсән авылында булды. Әлеге объектта эшне Кайбыч ТКХ хезмәткәрләре башкара.
 

2 июльдә башкарма комитеты җитәкчесенең төзелеш һәм торак-коммуналь хуҗалык буенча урынбасары Фирдүс Әхмәтов Северная урамында күп балалы гаилә өчен бер фатирлы йорт төзелешенең барышы белән танышты. Төзелеш эшләрен "Халык йорты" төзелеш оешмасы башкара. Хәзерге вакытта бинаның стеналарын салу эшләре бара.
 

Шушы көннәрдә үзенең юбилеен башкарма комитеты шоферы Абзалов Фәнис Фәрит улы билгеләп үтте. Истәлекле көне белән аны район башлыгы Альберт Рәхмәтуллин котлады. Ул юбилярга нык сәламәтлек, эшендә уңышлар, иминлек теләде, шулай ук аңа истәлекле бүләк белән Рәхмәт хаты тапшырды.
 

Татарстан Республикасы буенча Росреестр идарәсендә җитәкче урынбасары Ада Зәйдуллина җитәкчелегендә ТР Төзелеш, архитектура һәм ТКХ министрлыгы вәкилләре белән эшлекле киңәшмә узды. Идарә исеменнән киңәшмәдә юридик затларның күчемсез милеген дәүләт теркәве һәм өлешләп катнашу килешүләре бүлеге җитәкчесе Лилия Борһанова да катнашты.
 

Татарстан Республикасы буенча Росреестр идарәсе Youtube каналында гражданнарга күчемсез милекне рәсмиләштергәндә нәрсәгә игътибар итәргә кирәклеген аңлатучы видеоролик урнаштырды. Татарстан Росреестры һәм Кадастр палатасы экспертлары - физик затларның күчемсез милеген дәүләт теркәве бүлеге башлыгы Энҗе Мөхәммәтгалиева һәм ЕГРН алып баруны тәэмин итү бүлеге башлыгы Анна Кайнова әңгәмә форматында йорт төзелеше алдыннан нинди гамәлләр башкарырга кирәклеге, күчемсез милек объектын нинди җир кишәрлегендә төзергә мөмкин булуы турында сөйләделәр, ачыкланган җир участогының чикләре торак пункт чиген кисеп үтә һ .б.
 

Бүген Олы Кайбычтан Рамил Сафин һәм Дмитрий Дунаев, Иске Чәчкабтан Рамазан Нигъмәтҗанов, Кече Кайбычтан Илмир Вахитов һәм Инсаф Гыйматдинов, Бәрлебаштан Рәдис Сибгатуллин армиягә китте. Бу көнне аларны әти-әниләре, туганнары, дуслары һәм сыйныфташлары озатты. Район башлыгы Альберт Рәхмәтуллин исеменнән солдатларга котлау сүзләрен район башкарма комитеты җитәкчесе Алексей Макаров җиткерде. Ул егетләргә хәерле юл, лаеклы хезмәт, исән-сау өйгә кайтырга теләде, шулай ук аларның гаиләләренә истәлекле бүләкләр тапшырды. 
 

2 июльдән 4 июльгә кадәр Татарстан Республикасының Лаеш районында «Татарстанда кыр көне - 2019» кыр форматындагы зур күргәзмә узачак. Аның барышында республика башлыгы һәм рәсми кунаклар экспозицияне караячак, катнашучылар стендларын караячак, Татарстан Республикасы һәм Россия төбәкләренең агросәнәгать комплексы яңалыклары белән танышачак.
 

27 июнь көнне Район мәдәният йорты хезмәткәрләре Чүти, Иске Тәрбит һәм Ульянково мәдәният учреждениеләрендә "бөҗәкләрнең яшерен тормышы" исемле күчмә мультфильм күрсәттеләр.
 

Россия Президенты Указы нигезендә 2019 елның 1 июленнән инвалид-балалар  һәм балачактан инвалидларны караган өчен айлык түләүләр арта. Аның күләме ике тапкыр диярлек, 5.5 мең сумнан 10 мең сумга кадәр җиткерелде. Инвалид-балаларны караучы яки беренче төркем балачактан инвалидларны тәрбияләүче әти-әниләр, шулай ук әлеге категория гражданнарның опекуннары һәм попечительләре шул суммада акча алачак. Чит кеше ярдәменә мохтаҗ булучыларны караган өчен түләү үзгәрешсез кала, ул 1,2 мең сум тәшкил итә.