ЯҢАЛЫКЛАР
24 сентябрь көнне район мәдәният йорты хезмәткәрләре Террорга каршы яклану чаралары кысаларында Олы Кайбыч урта мәктәбенең 4 "а" һәм 4 "б" сыйныф укучылары һәм сыйныф җитәкчеләре белән очрашу уздырдылар.
21 сентябрьдә Казанның Кремль яр буенда «мәдәният мозаикасы» дигән V этноконфессиональ фестиваль узды, аны оештыручылар-Татарстан халыклары Ассамблеясы һәм Дуслык Йорты, Татарстан халыклары Яшьләр ассамблеясы, Татарстан Республикасы Мәдәният министрлыгы ярдәме белән. Фестиваль 2019 елда "2014-2020 елларга Татарстан Республикасында дәүләт милли сәясәтен гамәлгә ашыру" дәүләт программасын үтәү кысаларында узды.
Татарстан районнарында шәхси хуҗалыкларда үстерелгән сезонлы яшелчәләрдән гөшр-садакаларны традицион җыю дәвам итә. Шулай итеп, 23 сентябрь көнне Кайбыч районы мөхтәсибәте Казан шәһәренең "Ярдәм" мәчетенә бәрәңге җибәрүне оештырды. Җыелган уңышның бер өлешен Федоровское авылының картлар һәм инвалидлар йортына бирелде. Кайбыч мөхтәсибәте бу изге эштә катнашкан һәркемгә, шулай ук Кайбыч районы имам-хатыйблары һәм район башлыгы Рәхмәтуллин Альберт Илгизәр улына яшелчәләр җыю һәм таратуны оештыруда ярдәм күрсәткәннәре өчен рәхмәт белдерә.
Агымдагы елның августында Татарстан Республикасы Авыл хуҗалыгы һәм азык – төлек министрлыгы тарафыннан «2019-2024 елларга Татарстан Республикасында "Агростартап" проекты буенча крестьян (фермер) хуҗалыкларын төзү һәм үстерү» программасы буенча грант бирүгә крестьян (фермер) хуҗалыкларын конкурс нигезендә сайлап алу турында игълан ителгән иде. Конкурста 132 КФХ катнашты, шулардан 103 катнашучы сайлап алынды, алар арасында безнең фермерлар да бар иде. Конкурста безнең районнан фермерлар - Рамил Фәсахов һәм Әсхәт Закиров җиңеп чыктылар.
Авыл хуҗалыгы һәм азык-төлек идарәсеннән алынган мәгълүматларга караганда, район хуҗалыкларында туфракны төп туңга сөрү һәм силос өчен кукуруз җыю бара. Бүгенге көндә район аграрчылары тарафыннан 18200 гектар мәйданда туфракны туңга сөрелгән, бу планның 53% ын тәшкил итә. Шулай ук 1484 гектар мәйданда 18 мең тонна силос өчен кукуруз җыеп алынган, бу планның 20% ын тәшкил итә.
Кайбычның «Ак калфак» татар хатын-кызлары оешмасы вәкилләре Кәрим Тинчурин исемендәге Татар дәүләт драма һәм комедия театрында булдылар. Шушы көннәрдә биредә 86 театраль сезон ачылды.
21 сентябрьдә Борындык авылыннан Марат һәм Илсинә Хөснетдиновлар гаиләсе Татарстанның горурлыгы һәм байлыгы булган «Нечкәбил» республика конкурсында катнашты. "Нечкәбил" - матурлык, ана һәм гаилә конкурсы. Хөснетдиновлар гаиләсе безнең районны лаеклы тәкъдим итте һәм "Мәхәббәт һәм тугрылык" номинациясендә дипломга лаек булды. Котлыйбыз!
Бүген 8.00 дән 12.00 гә кадәр Татарстан Республикасы буенча Росреестр Идарәсе күчемсез милек объектларына арест салу һәм алу тәртибе белән бәйле сораулар буенча «бердәм Кайнар линия көне» үткәрә.
Татарстан Республикасында 1,4 млн. гектар мәйдан җыеп алынган. Аграрийлар 4,2 млн тонна ашлык җыеп алган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Төзелеш, архитектура һәм ТКХ министры Ирек Фәйзуллин хәбәр итте.
“Казан” агросәнәгать паркында “Бакчачы көне” күргәзмәсе ачылды. Бу мәйданчыкта республика бакчачылары бәйрәме икенгче мәртәбә уздырыла, анда Татарстан Республикасы Дәүләт Советы РӘисе урынбасары Марат Әхмәтов һәм Татарстан Республикасы авыл хуҗалыгы һәм азык-төлек министры вазыйфаларын башкаручы Марат Җәббаров катнашты.