ЯҢАЛЫКЛАР
Хөрмәтле Рамилә Галәветдиновна!
Сезне чын күңелдән юбилеегыз белән котлыйбыз!
Сезгә күп көч һәм энергия, нык сәламәтлек, күңел көрлеге һәм барлык планнарыгызның һәм иҗади идеяләрегезнең тормышка ашуын телибез. Гомер юлыгыз якты кояш кебек булсын, һәрбер көнегез куаныч, яшәү яме, дөнья иминлеге белән тулып торсын. Эшегездә зур уңышлар Сезгә, бәхетле булыгыз!
Шушы көннәрдә Кошман авылында яшәүче Ногманова Роза Вадик кызы үзенең юбилеен билгеләп үтте. Район башлыгы исеменнән юбилярны район башлыгының коррупциягә каршы көрәш буенча ярдәмчесе Фәния Петухова котлады. Ул Роза Вадиковнага район Башлыгының Рәхмәт хатын тапшырды, аңа нык сәламәтлек, озын гомер теләде.
19 ноябрь көнне Буа шәһәрендә социаль ярминкәнең муниципальара этабының йомгаклау чарасы булып узды. Анда безнең районнан гаилә кыйммәтләренә ярдәм итү үзәге җитәкчесе Надежда Ермолаева һәм район Башкарма комитеты җитәкчесенең беренче урынбасары Эльвира Заһидуллина катнашты.
21 ноябрь көнне, «Әниләр Көне» бәйрәме алдыннан, Россия Пенсия фондының Татарстан Республикасындагы бүлекчәсе инициативасы белән, Казан шәһәре ГХАТ Идарәсе белән берлектә, Татарстан шәһәрләрендә һәм районнарында «әниләр мәхәббәте белән Гүзәл дөнья»дигән республика акциясе узачак.
Якындагы 1-3 сәгатьтә көн дәвамында һәм 19 ноябрь кичендә Казанда һәм Татарстан Республикасы буенча урыны белән көчле бозлавык көтелә.
Татарстан Республикасы (Татарстан) буенча Роспотребнадзор Идарәсенең Яшел Үзән территориаль бүлеге, Татарстан Республикасы (Татарстан) буенча Роспотребнадзор идарәсе эшчәнлеге турында белешмәләрнең ачыклыгын һәм һәркем өчен мөмкин булуын арттыру максатларында, эшкуарлык җәмәгатьчелеге компетенциясе кысаларында эшкуарларга һәм кече һәм урта бизнес вәкилләренә түләүсез консультация ярдәме күрсәтүне оештыра.
Мәскәү өлкәсенең Коломна шәһәрендә 24 октябрьдән 7 ноябрьгә кадәр тимераякта шуу буенча уку- өйрәнү җыены булып узды. Әлеге җыенда физкультура укытучысы Фрат Җиһаншин кул астында шөгыльләнүче Мөрәле төп гомуми белем бирү мәктәбеннән укучылар - Асия Мадаминова, Айназ һәм Айнур Билалиевлар, Илназ Әхмәтҗанов да бар иде.
18 ноябрь көнне Мәлки авылында яшәүче Андреева Елизавета Григорьевна үзенең 80 яшьлек юбилеен билгеләп үтте. Бу истәлекле көнне юбилярны район башлыгы исеменнән Мәлки авыл җирлеге башлыгы Федор Поляков котлады.
2019 елның 1 нче октябрь көненнән тугызынчы мәртәбә #әдәбимарафон проекты башланып киткән иде. Бу марафон Татарстан Язучылар берлеге һәм Татнетны үстерү фонды белән берлектә үткәрелә. Проектның төп максаты: кешеләрдә яхшы гадәт- татарча әдәби әсәрләр, китаплар һәм журналлар уку гадәтен формалаштыру. Проект барышында катнашучылар вакытны дөресрәк файдаланырга, үзара яхшы мөгаләмәдә булырга һәм ярдәмләшергә өйрәнәләр, яңа дуслар табалар, татар интернытын файдалы мәгълүмат – татар китапларыннан кызыклы һәм файдалы өзекләр белән баеталар һәм, рухларын , белемнәрен ныгытып, киләчәктә үзләреннән-үзләре төрле өлкәләрдә уңышларга ирешә башлыйлар.