Муниципаль районнар Кайбыч муниципаль районы

ЯҢАЛЫКЛАР

гыйнвар, 2020 ел

сишәмбе

Бүген Олы Кайбычта "Чәчәкләр" кибетен ачу тантанасы булды. Әлеге кибетне Илшат һәм Назлым Шакировлар гаиләсе ачты. Илшат тумышы белән Яшел Үзән районыннан, Назлым - безнең якташ. Гаилә Норлат авылында яши.

Татарстан Росреестры һәм Кадастр палатасы күчемсез милек өлкәсендә законнарны үзгәртү буенча "кайнар линия" үткәрәчәк

29 гыйнварда 10 сәгатьтән 12 сәгатькә кадәр 2019-2020 елларда булган күчемсез милек өлкәсендәге төп закон үзгәрешләренә багышланган кайнар телефон линиясе булачак. Казан халкының сорауларына (843)255-25-71 телефоны буенча Росреестр идарәсе һәм Кадастр палатасы вәкилләре җавап бирәчәк.

1 февраль көнне Олы Кайбыч мәктәбендә чыгарылыш сыйныф укучылары белән очрашу булачак

Бүген үзенең туган көнен Кадыйрова Алия Наил кызы билгеләп үтә

Бүген Кайбыч муниципаль районы Советының бухгалтерлык исәбе һәм хисап бүлеге баш белгече Кадыйрова Алия Наил кызы үзенең туган көнен билгеләп үтә. Аны муниципаль район башлыгы Альберт Илгизәр улы Рәхмәтуллин котлады, аңа нык сәламәтлек, эшләрендә уңышлар һәм иминлек теләде.

гыйнвар, 2020 ел

дүшәмбе

Хуҗа Хәсән авыл җирлегендә халык җыены узды

Бүген Хуҗа Хәсән авыл җирлегендә халык җыены узды. Анда муниципаль район башлыгы Альберт Рәхмәтуллин, аның урынбасары Рәмис Хәялиев, район прокуроры Алмаз Сөләйманов, Хуҗа Хәсән авыл җирлеге башлыгы Светлана Матвеева, район хезмәтләре һәм ведомстволары җитәкчеләре катнашты.

Безнең районның тимераякта шуучылар - кабат мактау пьедесталында

25-26 гыйнварда Казан шәһәренең "Хезмәт резервлары" стадионында тимераякта шуу спорты буенча ТР Беренчелеге узды.

"Игелекле традиция»

2020 елның 24 гыйнварында Татарстан Республикасы Хезмәт, мәшгульлек һәм социаль яклау министрлыгының Кайбыч муниципаль районындагы социаль яклау бүлеге башлыгы Наталья Багавеева һәм «Өмет «халыкка социаль хезмәт күрсәтү үзәге директоры Гөлия Нигъмәтҗанова Бөек Ватан сугышы инвалидының тол калган хатыны, блокадалы Ленинградта яшәүче Тәскирә Фаттах кызы Латипова өендә булдылар. Кунаклар Тәскирә Фәттаховнаны Бөек Ватан сугышында җиңүнең 75 еллыгы белән котладылар, нык сәламәтлек теләделәр һәм күчтәнәчләр тапшырдылар.

Муниципаль район башлыгы яшь гражданнарга паспортлар тапшырды

Бүген Кайбыч ягы музеенда Россиянең Хәрби дан көне кысаларында яшь гражданнарга тантаналы рәвештә паспортлар тапшыру булды. Чарада район башлыгы Альберт Рәхмәтуллин, «Юнармия» хәрәкәте начальнигы, отставкадагы майор Илһам Хөснетдинов, Кайбыч ягы музее начальнигы Илдар Шакиров, Башкарма комитет җитәкчесенең социаль мәсьәләләр буенча урынбасары Алия Биккулова, миграция хезмәте начальнигы Илфир Яруллин, ветераннар советы рәисе Рушания Лотфуллина катнашты.

Хөрмәтле салым түләүчеләр!

2019 елның 2 декабрендә салым агенты тарафыннан тотылмаган һәм салым хәбәрнамәсенә кертелгән мөлкәт, җир, транспорт салымнарын һәм НДФЛны түләү өчен билгеләнгән срок тәмамланды.

Эшлекле киңәшмәдә

Бүген район Советы һәм Башкарма комитетының актлар залында Кайбыч муниципаль район башлыгы Альберт Рәхмәтуллин җитәкчелегендә оешма-учреждение җитәкчеләре, авыл җирлекләре башлыклары катнашында киңәшмә узды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ