ЯҢАЛЫКЛАР
17 апрельдә Татарстан Республикасы Авыл хуҗалыгы һәм азык-төлек министрлыгы ярдәме белән Казан дәүләт аграр университетында яшь уйлап табучыларның «Минем кече Ватаным» республика олимпиадасы узды.
17 апрельдә «Татарстан Республикасында авыл хуҗалыгы кооперациясен үстерү буенча компетенцияләр үзәге» ДБУ тарафыннан авыл хуҗалыгы товарлары җитештерүчеләрнең Казан шәһәрендәге ваклап сату кибетләре вәкилләре белән эшлекле очрашулар оештырды. Әлеге чара март аенда Тәтеш районында узган һәм республикада авыл хуҗалыгы кулланучылар кооперативларын үстерү чараларын тормышка ашыруга юнәлдерелгән.
18 апрельдә Уфага эш сәфәре барышында Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Әхмәтов Башкортостан Республикасында Татарстан Көннәре кысаларында оештырылган авыл хуҗалыгы мәсьәләләре буенча БР Хөкүмәте Премьер – министры урынбасары вазыйфаларын башкаручы-БР Авыл хуҗалыгы министры Илшат Фазрахманов, ике республиканың да фәнни учреждениеләре һәм эре авыл хуҗалыгы товарлары җитештерүчеләр вәкилләре катнашында түгәрәк өстәлдә катнашты.
Әлеге утырыш кысаларында торак һәм бакча йортларын рәсмиләштерү тәртибе турындагы законнардагы соңгы үзгәрешләр яктыртылды, шулай ук әлеге законнарны гамәлгә ашыру белән бәйле мәсьәләләр тикшерелде. Моннан тыш, Иҗтимагый совет әгъзаларына Росреестрның Татарстан Республикасы буенча Идарәсе тарафыннан торак пунктлар чикләренә кертелгән җирләрдән максатсыз файдалануны ачыклауга юнәлдерелгән эш турында мәгълүмат җиткерелде.
24 нче апрель көнне Мәлки авылы мәдәният йортында Кайбыч районы “Ак җилкән” халык театры коллективы Хәбир Ибраһимның “Ялгыз каен күзе” спектаклен тәкъдим итә. Рәхим итегез! Көтеп калабыз!
– Хөрмәтле кайбычлылар, якташларыбыз! Төбәгебез тормышындагы зур вакыйга – район туган көне уңаеннан ихлас тәбрикләү сүзләремне кабул итегез. Күпмилләтле районыбыз бай тарихлы, аның язмышы Татарстан тор-мышы белән тыгыз үрелеп бара. 28 ел эчендә авыл хезмәтчәннәренең уртак тырышлыгы белән Кайбыч тотрыклы үсүче районга әйләнде. Җирлекнең хәзерге "портреты" уртак тырышлык – өлкәннәрнең акыллы киңәшләре, яшьләрнең тынгысыз хезмәте, тәҗрибәле осталарның хезмәт уңышлары, ба-лаларыбызның таланты белән булдырыла. Оста куллары һәм битараф бул-маган йөрәкләре белән тормышны матурайтучы кешеләр туган җир елъязма-сын тудыра һәм җирлегебезнең ышанычлы киләчәге өчен дәлил булып хезмәт итә. Киләчәккә булган өметләребез нәтиҗәсендә туган чаткы бүген, зур ял-кынга әверелеп, бу төбәктә гомер итүче һәммә кешене: басуларда, фермалар-да, төрле социаль тармакларда армый-талмый хезмәт куючы урта буынны, "Йолдызлык" кебек фестивальләрдә, республика, Бөтенроссия спорт ярышларында призлы урыннар яулаган үсмерләрен генә түгел, моннан 74 ел элек илгә азатлык яулап кайткан, инде яше 90нан узган аксакалларын, Бөек Җиңүгә үз өлешен керткән ак әбиләрен дә үз эченә бөтереп алган.
Бүген Кайбыч балалар сәнгать мәктәбенең актлар залында суда йөзүче киек кошларга язгы ау ачу буенча зональ киңәшмә узды. Киңәшмәдә Татарстан Республикасының Биологик ресурслар буенча дәүләт комитеты рәисе урынбасары Юрий Матвеев, район башкарма комитеты җитәкчесе Алексей Макаров, Биологик ресурслар буенча дәүләт комитетының районара бүлеге башлыгы Самат Алеев, шулай ук Дәүләт комитеты хезмәткәрләре һәм Идел аръягы зонасы аучылары катнашты.
Бүген Кайбыч районында язгы арпаны чәчүгә керештеләр. Кырларга беренчеләрдән булып "Дубрава "агрофирмасы" җшмгыяте аграрийлары чыкты. Чәчү агрегаты 2 сменада эшли-көндез Николай Калдин, төнлә Юрий Федотов.
2019 елның 15 апрелендә Татарстанда традицион «Язгы игелек атнасы» старт алды. Масштаблы ирекле акция агымдагы елның 25 апреленә кадәр дәвам итәчәк, волонтерлар хәрәкәтенә мөмкин кадәр күбрәк кешене җәлеп итәргә тиеш.
Районның авыл хуҗалыгы һәм азык-төлек идарәсенең оператив мәгълүматларына караганда, 2019 елның 18 апреленә районда уҗымнар 5,5 мең га мәйданда (планнан 51%), күпьеллык үләннәр 800 га мәйданда (7%) тукландырылган. Туңга сөрелгән җирләрне тырмалау 6 мең га мәйданда (20 %), күпьеллык үләннәрне - 2 мең га мәйданда (17%) башкарылган.