ЯҢАЛЫКЛАР
Хөрмәтле журналистлар, редакция хезмәткәрләре, журналистика ветераннары! Сезне һөнәри бәйрәмегез – Матбугат көне белән чын күңелдән котлыйм!
17 нче май көнне, «Буа: Диалог кинлегендэ» Халыкара театр фестивале кысаларында, Кайбыч районы "Ак җилкән" халык театры коллективы, драматург Хәбир Ибраһимның "Ялгыз каен күзе" спектакле белән Буа районы Толымбай авылы халкының күңелен яулап кайтты. Халык театры буларак, бәяне дә зал тутырып килгән халык куйды, карарга килгән һәр тамашачы спектакльне бик җылы һәм тормышчан кабул итте, самими соклану, эчкерсез елмаюлар, тыелгысыз күз яшьләре - барысы да бер сулышта үрелеп барды, көчле алкышлар тынып тормады. Әлеге коллективның хезмәте югары бәяләнеп, диплом белән бүләкләнде.
15 майда "БУА: ДИАЛОГ КИҢЛЕГЕ" III Халыкара милли театр фестивале кысаларында Кайбыч районында Фәйзи исемендәге Оренбург дәүләт драма театры актерлары булып китте. Алар Олы Кайбыч авылы мәдәният йорты сәхнәсендә "Ул бит кичә иде..." дип исемләнгән, шагыйрә Айгөл Әхмәтгалиева пьесасы буенча куелды.
Россия Кораллы Көчләре сафларына чакырылучылар һәм аларның ата-аналары белән очрашу безнең районда матур традициягә әверелде. Шундый очрашуларның чираттагысы бүген район Советының актлар залында узды.
2019 елның 15 маенда "ТИСБИ" Идарә университеты базасында Татарстан республикасының тәрбиягә бала алган әтиләренең II республика слеты узды. Татарстанның 29 районыннан слетка 150 тәрбиягә бала алган гаилә килгән иде. Слетта Кайбыч муниципаль районыннан тәрбиягә бала алган ата - Хикматуллин Фәргать Тәлгать улы һәм Салаватов Мөнир Фәһим улы катнашты.
14 майда Чүпрәле муниципаль районында җирле хакимият органнары эшенең актуаль мәсьәләләре буенча зона семинар-киңәшмәсе узды. Аның эшендә төрле министрлыклар һәм ведомстволар вәкилләре катнашты. Чарага Апас, Тәтеш, Буа, Кайбыч, Кама Тамагы һәм Югары Ослан районнарыннан 200гә якын кеше җыелды. Киңәшмәне "Татарстан Республикасы Муниципаль берәмлекләре Советы" Ассоциациясе рәисе Әгъзам Самат улы Гобәйдуллин алып барды. Киңәшмә барышында ул авыл җирлекләре башлыкларына бүләкләр тапшырды, алар арасында Иске Тәрбит авыл җирлеге башлыгы Виталий Тимофеев та бар иде. Ул Татарстан Республикасы җирле үзидарә органнары эшчәнлегенең нәтиҗәлелеген күтәрүдә, җирле әһәмияттәге мәсьәләләрне хәл итүдә һәм күпьеллык намуслы хезмәте өчен Мактау грамотасы белән бүләкләнде.
17 майда Казанда "Бәллүр каләм – Хрустальное перо" республика һөнәри конкурсына йомгак ясалды. Анда безнең районнан "Россия Федерациясендә Иреклеләр елы" махсус проекты белән "Кайбыч таңнары" газетасы редакциясе катнашты һәм әлеге конкурсның җиңүчесе булды. Ул диплом һәм кыйммәтле бүләк белән бүләкләнде. Без аларны котлыйбыз!
«Балигъ булмаганнарның күзәтүчесезлеген һәм хокук бозуларын профилактикалауда җирле җәмәгатьчелек ресурслары» проектын гамәлгә ашыру кысаларында 2019 елда «УМАЙ «ПСА» коммерцияле булмаган автоном оешмасы тарафыннан балигъ булмаганнар эшләре һәм аларның хокукларын яклау буенча республика комиссиясе ярдәме белән Президент грантлары Фонды чараларына гамәлгә ашырыла, " Стоп-янау!"файдалы Тезисларны без ата-аналар бергәлеге һәм укытучылар бергәлеге белән дә таныштырырга телибез. Сүз кан балалары белән рәхимсез мөгамәлә һәм күршеләренең позициясе турында барачак.
Кайбыч районы "Татарстан Республикасы муниципаль районнары арасында иң яхшы күргәзмә экспозициясе" номинациясендә 3 дәрәҗә лауреат дипломы белән бүләкләнде.
Бүген Халыкара музейлар көне алдыннан, Галия Кайбицкая исемендәге музейда Борындык, Шуширмә, Колаңгы мәктәпләренең башлангыч сыйныф укучылары булдылар. Балалар экскурсияне зур кызыксыну белән тыңладылар, экскурсовод сорауларына җавап бирделәр, соңыннан Галия Кайбицкая башкаруында арияне тыңладылар.