ЯҢАЛЫКЛАР

Татарстан Республикасы буенча Росреестр идарәсендә җитәкче урынбасары Ада Зәйдуллина җитәкчелегендә гражданнардан кергән мөрәҗәгатьләр буенча күчемсез милек базарында профессиональ катнашучылар белән утырыш узды.

Бүген район башлыгы Альберт Рәхмәтуллин Олы Кайбыч урта мәктәбендә булды. Аны Башкарма комитеты җитәкчесе Алексей Макаров, Олы Кайбыч мәктәбе директоры Рамилә Миңнуллина, "Вика СФ" ҖЧҖ директоры Фәнис Хәйруллин, төзелеш фирмасы прорабы Рөстәм Сөнгатуллин, район башкарма комитетының инфраструктура үсеше бүлеге башлыгы Булат Сәлахов озатып йөрде.
 

2019 елның 9 июлендә Олы Кайбычта физик мөмкинлекләре чикләнгән гражданнарның сайлау хокукларын тәэмин итү буенча эшче төркем утырышы узды.
 

Россия Президенты Владимир Путин җир кишәрлекләренең гомуми чикләрен – межалау барышында кадастр инженеры тарафыннан үткәрелә торган мәҗбүри процедураны килештерү мәсьәләсен җайга салырга мөмкинлек бирә торган законга кул куйды. Кадастр инженерларына хокукларның бердәм дәүләт реестрындагы чиктәш участокларга ия булучыларның адреслары турында мәгълүматларны ничек бирү җир биләүчеләрнең законлы мәнфәгатьләрен кайгыртырга ярдәм итәчәк, дип сөйләделәр Кадастр палатасы һәм Росреестрның Татарстан Республикасы идарәсе вәкилләре.
 

ГХАТ бүлеге биргән мәгълүматларга караганда, 2019 елның 1 яртыеллыгында районда 34 бала туган, 18 язылышу турында акт язуы теркәлгән, 16 пар аерылышкан, 118 кеше үлгән.
 

Авыл хуҗалыгын үстерү һәм авыл хуҗалыгы продукциясе, чимал һәм азык-төлек базарларын җайга салу буенча дәүләт программасын гамәлгә ашыру кысаларында Россия Федерациясе Авыл хуҗалыгы министрлыгы Матбугат хезмәте белән берлектә Авыл тематикасы буенча ел саен үткәрелә торган «Минем җирем Россия-2019» мәгълүмати – проектларының Бөтенроссия конкурсын уздыру турында игълан итә.
 

6 июльдә алты егет - Хуҗа Хәсән авылыннан Сергей Ефремов, Игорь Малов, Илнар Гафуров, Олы Тәрбиттән Радик Романов, Турминскидан Юрий Данилов, Олы Кайбычтан Руслан Фәизов армиягә китте. Бу көнне аларны әти-әниләре, туганнары, дуслары һәм сыйныфташлары озатты. Район башлыгы Альберт Рәхмәтуллин исеменнән солдатларга котлау сүзләрен район башкарма комитеты җитәкчесе Алексей Макаров җиткерде. Ул егетләргә хәерле юл, лаеклы хезмәт, исән-сау өйгә кайтуларын теләде, шулай ук аларның гаиләләренә истәлекле бүләкләр тапшырды. Шулай ук проводларда беренчел хәрби исәпкә алу буенча белгеч Сәвия Зиннурова һәм "Форпост" үзәге директоры Юрий Михайлов катнашты.

Татарстан Республикасы буенча Росреестр идарәсендә җитәкче урынбасары Ада Зәйдуллина җитәкчелегендә «урман амнистиясе» турындагы законны куллану буенча ведомствоара эш төркеменең чираттагы утырышы узды. Чарада Татарстан Росреестры, Кадастр палатасы, Росимущество, Урман хуҗалыгы министрлыгы, Казан филиалының Рослесинфоргны, Идел буе федераль округы буенча урман хуҗалыгы департаменты вәкилләре һәм башкалар катнашты.

10 июльдә 8.10 сәгатьтә Росреестрның Татарстан Республикасы буенча идарәсенең физик затларның күчемсез милеген дәүләт теркәве бүлеге башлыгы Энҗе Мөхәммәтгалиева "Исәнмесез!" ТНВ телеканалының тапшыруында махсус кунагы булачак.

Авыл хуҗалыгы һәм азык-төлек идарәсе мәгълүматларына караганда, бүгенге көндә районның авыл хуҗалыгы оешмалары тарафыннан 3600 тонна печән, 44000 тонна сенаж һәм 68 тонна яфрак азыгы әзерләнгән.  Район буенча барлыгы 1 шартлы терлеккә 12,4 центнер азык әзерләнгән.