ЯҢАЛЫКЛАР
Бүген Кайбыч районына 222 тартмадан торган азык-төлек җыелмалары китерелде. Волонтерлар аларны адресатлар буенча китерү эшен башлап җибәргән инде.
Элегрәк безнең районга ялгыз яшәүче пенсионерлар , җан башына уртача яшәү минимумыннан түбәнрәк булган һәм әти-әниләре шәхси эшмәкәр, пандемиядән зыян күргән тармакларда үзмәшгульлек сыйфатында теркәлгән 8 яшьтән өлкәнрәк балаларга азык-төлек җыелмалары булган 240 тартма кайтартылган иде инде.
Район башлыгы Альберт Рәхмәтуллин Олы Кайбыч авылында яшәүче Гарифуллиннар һәм Гыйниятуллиннар гаиләләренә азык-төлек җыелмалары тапшырды.
Корылмаларны төзү, ремонтлау һәм реконструкцияләү өчен төзелештә кулланыла торган төзелеш материаллары – аларны кире кайтару һәм алмашуга карата закон тарафыннан берничә нюанс каралган.
2020 елның 28 маенда Татарстан Республикасында кеше хокуклары буенча вәкаләтле вәкил, хокукый ярдәм күрсәтү һәм гражданнарның хокукларын саклауны тәэмин итү максатыннан, республика гражданнарының хезмәт хокукларын яклау мәсьәләләре буенча «кайнар линия» үткәрә.
Татарстан Республикасында кеше хокуклары буенча вәкаләтле вәкил, Татарстан Республикасы Прокуратурасы, Татарстан Республикасы Хезмәт, мәшгульлек һәм социаль яклау министрлыгы һәм Татарстан Республикасы буенча Дәүләт хезмәт инспекциясе вәкилләре гражданнарга тулы мәгълүмат алырга, бәхәсле хәлләрне аңлатырга ярдәм итәчәкләр.
"Кайнар линия" телефоны (843) 236-00-71.
Консультация вакыты: 09.00 дән 17.00 гә кадәр.
Кайбыч районында беренче тапкыр авыл җирлекләренә аларны үстерү өчен ТР Хөкүмәтенең 4 грантын тапшырдылар. Грант Татарстан Республикасы авыл җирлекләре һәм шәһәр җирлекләре җирле үзидарә органнары эшчәнлегенең иң яхшы күрсәткечләренә ирешүгә ярдәм итү һәм аларны бүләкләү, Татарстан Республикасы Авыл һәм шәһәр җирлекләре халкының тормыш сыйфатын күтәрү максатларында бирелә. Аларны Олы Кайбыч, Кошман, Ябалак һәм Борындык авыл җирлекләре отты. 1 грант суммасы 1 .5 млн. сум. Бу акчаларга юллар салырга, территорияләрне төзекләндерергә, суүткәргечләр төзү белән шөгыльләнергә мөмкин.
Бүген район башлыгы Альберт Рәхмәтуллин Шүшермә авылында булды, анда откан грандка юл төзеләчәк.
Кайбыч районында армиягә беренче язгы озату булды.4 яшь егет-Олы Кайбыч авылыннан Шәфигуллин Марат Әнвәр улы, Морат авылыннан Царев Роман Сергеевич , Колаңгыдан Мостафин Элмир Эльфир улы һәм Гусинников Иван Валерьевич, Россия Федерациясе Кораллы Көчләре сафларына китәчәкләр.
Аларга котлау сүзләре белән Кайбыч муниципаль районы башкарма комитеты җитәкчесе Макаров Алексей Николаевич мөрәҗәгать итте. Ул егетләргә яхшы хезмәт итүләрен теләде һәм Кайбыч егетләре үзләренең хәрби бурычларын намус белән үтәрләр һәм якташларын сынатмаслар, дигән ышаныч белдерде.
Кайбыч районы фермерлары грантлар алды. Бу «2019-2024 елларга Татарстан Республикасында «Агростартап» проекты буенча крестьян (фермер) хуҗалыкларын булдыру һәм үстерү»ведомство программасы ярдәмендә мөмкин булды. Исегезгә төшерәбез,» Агростартап " – ул үз хуҗалыгын үстерү өчен 3 млн.сумга кадәр, яки хуҗалык кооперативта торса, 4 млн. сумга кадәр грант алу мөмкинлеге.
Шулай итеп, Турминский авылыннан Юрий Ермолаев 80 баш эре мөгезле терлек симертү проектын гамәлгә ашырачак, ә Кошман авылыннан Раил Кәбир улы Саттаров 120 умарта күчесенә исәпләнгән умартачылык юнәлеше буенча.
15 майда бөтен дөньяда традицион гаилә кыйммәтләренә багышланган Халыкара гаилә көнен билгеләп үттеләр, аның кысаларында төрле өлкәләрдә һәм эшчәнлек тармакларында, шул исәптән спорт династияләрен хөрмәтләү буенча акцияләр узды. Кайбыч муниципаль районында иң спортлы гаилә-Федоровское авылыннан Григорьевлар гаиләсе.
Мәҗбүри пенсия иминиятләштерүе турындагы Федераль Законга кертелгән төзәтмәләр буенча 2020 елның 1 июленнән башлап балигъ булмаган яшьтәге балаларның опекуннары яки попечительләре индексацияләнгән иминият пенсияләре ала башлаячаклар. Бу хакта Россия Пенсия фондының Татарстан Бүлекчәсе хәбәр итә.
Җәйге каникуллар алдыннан Татарстан Республикасы буенча Роспотребнадзор идарәсе кулланучылар хокукларын яклау һәм кеше иминлеге өлкәсендә күзәтчелек буенча Федераль хезмәт тарафыннан 2020 елның 20 маеннан 3 июненә кадәр балалар товарлары һәм балалар ялының сыйфаты һәм куркынычсызлыгы, шулай ук әлеге товар категориясенә һәм эшчәнлек төренә карата гамәлдәге норматив гигиена таләпләре буенча «кайнар линия» үткәрелүе турында хәбәр итә. Барлык кызыксындырган сораулар буенча 8 800 555 49 43 номеры буенча шалтыратырга мөмкин.
Татарстан Республикасы Президенты Р.Н.Миңнеханов ярдәме белән 2012 елдан башлап Татарстан Республикасы яшьләр сәясәте лидерлары арасында социаль ипотека программасы буенча торак алуга Конкурс үткәрелә.