ЯҢАЛЫКЛАР
Кошман авылында яшәүче тыл хезмәтчәне, Бөек Ватан сугышында катнашучының тол хатыны Әминә Габдрахманова үзенең юбилеен билгеләп үтте, аңа 95 яшь тулды.
Авыл хуҗалыгы һәм эшкәртү сәнәгате хезмәтчәннәре көне - барыбыз өчен дә әһәмиятле вакыйга. Авыл кешесе хезмәтенә кадер-хөрмәт күрсәтә белүебез бу һөнәри бәйрәмне дәрәҗәле итә.
12 октябрь көнне Казан дәүләт мәдәният институтында “Сәләт” (“Призвание”) дип исемләнгән II Бөтенроссия педагогик осталык конкурсы узды. Бәйгенең жюри председателе Татарстанның һәм Россиянең халык артисты Винера Ганиева булды. Бәйгедә Самара, Дмитровград, Норлат, Арча, Түбән Кама, Яр Чаллы, Мордовия республикаларыннан, шулай ук Россиянең башка шәһәрләреннән балалар музыка мәктәпләре, сәнгать мәктәпләре һәм һөнәри белем бирү учреждениеләре укытучылары катнашты.
Ярминкәдә Кайбыч районы аграрийлары һәм мәктәпләре актив катнаша, алар башкала халкына кулай бәяләрдән товарлар ассортиментын тәкъдим итте. Киштәләрдә сөт продуктлары, ит,яшелчә, кондитер әйберләре, ярмалар һәм халык кулланышының башка товарлары тәкъдим ителгән. Олы Подберезье икмәк пешерү әйберләре, Кайбыч икмәк комбинаты, сөт һәм бәрәңге башкала халкы арасында аеруча популяр.
Район газетасы журналистлары "ТАТМЕДИА" Республика матбугат һәм массакүләм коммуникацияләр агентлыгы оештырган Татарстан Республикасының социаль юнәлешле коммерцияле булмаган оешмалары эшчәнлеген иң яхшы яктыртуга республика конкурсында катнаштылар. Алар Татарстан Республикасының социаль юнәлешле коммерцияле булмаган оешмалары эшчәнлеген яктырту буенча массакүләм мәгълүмат чараларында "иң яхшы публикация" номинациясендә 3 нче урынны яуладылар. Бүләкләү 16 октябрьдә була.
2018 елның 12 октябрендә Кайбыч районы территориаль сайлау комиссиясе районның участок сайлау комиссияләре өчен укыту семинары үткәрде. Уку дәресендә сайлау участокларын 2018 елның 18 ноябрендә референдум үткәрүгә әзерләү, сайлаучылар исемлеге белән эшләү, тавыш бирү нәтиҗәләре турында беркетмәләр тутыру мәсьәләләре каралды.
11 октябрь көнне Олы Кайбыч урта гомуми белем бирү мәктәбендә Буа шәһәренең ТАТАРСТАН РЕСПУБЛИКАСЫ ЭКОЛОГИЯ ҺӘМ ТАБИГАТЬ РЕСУРСЛАРЫ МИНИСТРЛЫГЫ Идел Аръягы территориаль идарәсе вәкилләре Залалова Н.В. һәм Ваһапова Г.А. булып киттеләр. Алар бишенче сыйныф укучылары өчен «Табигать һәм әйләнә-тирә мохитне саклау» темасына чара үткәрделәр. Балалар табигатьне саклау проблемасы буенча бик күп файдалы мәгълүмат алдылар.
Бу атнаның сишәмбесендә Олы Кайбыч мәктәбендә “Мәгариф” журналыннан Расиха Фәизова һәм «Гаилә һәм мәктәп» журналының баш мөхәррире Ландыш Нәсыйхова булып киттеләр. Без аларны бик бәйрәмчә каршыладык, чөнки бу көнне ветеран укытучыларны һәм мәктәп хезмәткәрләрен Өлкәннәр көне уңаеннан бәйрәмгә чакырган идек. Алар мәктәбебез белән таныштылар, укучылар, укытучылар белән аралаштылар, үзләрен кызыксындырган сорауларга җаваплар алдылар, безнең мәктәпнең матурлыгына, чиста, төзек булуына сокландылар.Тиздән республикабыз күләмендә билгеле булган журнал битләрендә үзебезнең хезмәттәшләребезне һәм мәктәбебезне күрербез дип ышанып калабыз
Ел саен Кайбыч муниципаль районы мәдәният учреждениеләре муниципаль мәдәният һәм сәнгать учреждениеләренең иҗат коллективлары проектларына ярдәм итү өчен Татарстан Республикасы Мәдәният министрлыгы конкурсларында катнашалар һәм грантлар алалар.
2018 елның 10 октябрендә «Өлкәннәр көне» декадасы кысаларында Иске Тәрбит авыл җирлеге башлыгы һәм мәдәният хезмәткәрләре Буа картлар йортында яшәүче Тюканов Николай янына бардылар. Ул безнең авылда яшәгән вакытта китапханәгә һәм клубка йөрергә ярата иде. Картлар йортында да актив тормыш алып бара. Конкурсларда һәм ярышларда катнаша.