ЯҢАЛЫКЛАР
Бүген Кайбыч муниципаль район башлыгы Альберт Рәхмәтуллин Олы Кайбычта Гыйсмәтуллин урамындагы күп фатирлы торак йорт төзелешенең барышы белән танышты.
"Федераль әһәмияттәге Мәскәү шәһәрендә, Мәскәү һәм Калуга өлкәләрендә, шулай ук Татарстан Республикасында (алга таба-422 - ФЗ номерлы Федераль Закон) "һөнәри керемгә салым" махсус салым режимын билгеләү буенча эксперимент үткәрү турында" 2018 елның 27 ноябрендәге 422-ФЗ номерлы Федераль закон физик затларга товарлар, эшләр, хезмәт күрсәтүләр сатканда 4% ставка буенча һөнәри керемгә салым түләп һәм юридик затларга товарлар, эшләр, хезмәт күрсәтүләр сатканда 6% ставка буенча дәүләт теркәвеннән башка эшмәкәрлек эшчәнлеге белән шөгыльләнү мөмкинлеге бирде.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, 19 октябрьдә Санкт-Петербургта «Хасанский» дәүләт универсаль базарында авыл хуҗалыгы залы бинасында гадәттәге көзге “Уңыш - 2019” бәйрәме узачак һәм шунда “Татар йорты” үз ишекләрен ачачак.
15 октябрьдә Чүти авылында «Татарстан Республикасында авыл хуҗалыгы кооперациясен үстерү буенча компетенцияләр үзәге» ДБУ белгечләре районның алдынгы шәхси ярдәмче хуҗалыклары, фермерлар, авыл хуҗалыгы кооперативлары һәм авыл эшкуарлары белән очрашты.
14 октябрь көнне Кайбыч ягы музеенда Мөрәле төп мәктәбенең башлангыч сыйныф укучылары өчен "Музей һәм мин" дип исемләнгән тематик программа үткәрелде. Мавыктыргыч хикәяләр һәм экспонатлар белән танышу балаларга туган як тарихы, традицияләре турында беренче белем алырга мөмкинлек бирде. Шулай ук балалар үзләренең мәдәни көндәлекләрендә музейларга багышланган биремнәр дә үтәделәр.
12 октябрьдә Казан шәһәренең Агросәнәгать паркында Татарстан районнарының мәгариф оешмалары катнашында традицион авыл хуҗалыгы продукциясе һәм халык сәнгать һөнәрчелеге эшләнмәләре республика ярминкәсе узды. Безнең районнан ярминкәдә 6 урта мәктәп үз продукциясен тәкъдим итте: Олы Кайбыч, Чүти, Иске Тәрбит, Хуҗа Хәсән, Олы Подберезье, Федоровское. Авыл хуҗалыгы ярминкәсеннән керем 77300 сум тәшкил итте.
Бүген ТР Дәүләт Советы депутаты Фәнил Баһаутдинов Олы Кайбыч авылында партиянең җирле бүлекчәсенең җәмәгать кабул итү бүлмәсендә гражданнарны кабул итте. Кабул итүгә Олы Кайбыч, Олы Урсак, Турминскийдан 7 кеше мөрәҗәгать итте. Гражданнар депутатка Олы Кайбыч авылындагы йортны капиталь ремонтлау, Олы Подберезье авылында балалар мәйданчыгын программага кертү, Олы Кайбычта үзәкләштерелгән чистарту корылмасын булдыру һәм башка мәсьәләләр белән мөрәҗәгать иттеләр. Депутат әлеге мәсьәләләр буенча тулы аңлатмалар бирде һәм аларны кыска вакыт эчендә хәл ителәчәк дип ышандырды.
Хөрмәтле дуслар! 4 ноябрь көнне 19:00 сәгатьтә район мәдәният йортында булачак Рифат Зариповның "Super шоу 7" концерт программасына чакырабыз. Билет бәясе 450 сум. Белешмәләр өчен Телефон: 2-13-12, 2-16-72.
Анда барлык теләүчеләр катнаша ала. Акция районның барлык белем бирү оешмаларында узачак. Башлана 13:00 сәгатьтә.
Авыл хуҗалыгы һәм азык-төлек идарәсеннән алынган мәгълүматларга караганда, бүгенге көндә районда шикәр чөгендере, силос өчен кукуруз җыю, шулай ук туфракны эшкәртү эшләре бара.