ЯҢАЛЫКЛАР
Сезне 2019 елның 7 декабрендә 10:00 сәгатьтән 15:00гә кадәр «Казан» халыкара ат спорты комплексында узачак «Социаль ярминкә» I республика хәйрия фестиваленә теркәлү ачылуы турында хәбәр итәбез, ул Казан шәһәре, Патрис Лумумба ур., 47А/1 йорт адресы буенча узачак. Чарага теркәлүне 2019 елның 5 декабренә кадәр түбәндәге сылтама буенча узарга кирәк http://социальнаяярмарка.рф/.
Татарстан Республикасы Авыл хуҗалыгы һәм азык-төлек министрлыгы игътибар иткәнчә, производствога интенсив технологияләр һәм авыл хуҗалыгы культураларының сортларын керткәннән соң, яхшыртылган күрсәткечләр белән югарырак уңышка ирешү мөмкинлеге барлыкка килде.
Мәскәүдә «Бердәм Россия» партиясенең XIX съезды үз эшен тәмамлады, анда Россия Президенты Владимир Путин чыгыш ясады. Съезд эшендә партия Рәисе, премьер-министр Дмитрий Медведев, партиянең югары җитәкчелеге, Хөкүмәт әгъзалары, бөтен илдән делегатлар, губернаторлар, Дәүләт Думасы депутатлары, Федерация Советы әгъзалары, журналистлар катнашты.
Татарстан Республикасы Авыл хуҗалыгы һәм азык-төлек министрлыгы хәбәр иткәнчә, авыл хуҗалыгын үстерү дәүләт программасын гамәлгә ашыру кысаларында 2020 елдан гаилә терлекчелек фермаларына ярдәм күрсәтүнең кайбер кагыйдәләре үзгәрәчәк.
22 ноябрь көнне «ЭКО» мәктәптән тыш эшләр үзәге базасында яшүсмерләр арасында автомодель спорты буенча район ярышлары булып узды. Ярышларда 4 гомуми белем бирү мәктәбеннән 14 егет катнашты. Автомодельчеләр стартка РМ-1, РМ-резиномоторлы һәм ЭЛ-4 класслы автомодельләрен чыгардылар. Алар ераклыкка, төгәллеккә һәм дистанцияне узуның максималь тизлегенә көч сынаштылар. Барлык җиңүчеләр һәм призерлар дипломнар белән бүләкләнде, ә катнашучыларга сертификатлар тапшырылды. Барлык катнашучылар да канәгать калдылар. Укучыларны яхшы нәтиҗәләр белән котлыйбыз һәм аларга киләчәктә дә уңышлар һәм җиңүләр телибез!
Бүген Россия Кораллы Көчләре сафларына Колаңгыдан Максим Кирилловны һәм Янсуринскидан Владислав Сурнаевны озаттылар.
22 ноябрьдә Алексеевск районының Биләр авылында мәктәп укучыларының "Борынгы Биләрдә яшьлек" Республика фәнни-гамәли конференциясе узды. Татарстанның күп кенә районнары һәм шәһәрләреннән Биләргә килгән көндезге турда катнашучыларның барысы да тематик секцияләргә бүленгән иде. Егетләр һәм кызлар туган якны өйрәнү, халык кәсепчелеге, чит телләрне һәм туган телләрне өйрәнү өлкәсендә үз эшләнмәләрен тәкъдим иттеләр, табигый фәннәрдәге белемнәре белән уртаклаштылар.
22 ноябрьдә Казанда «Глаголица» балалар әдәби конкурсының финалы узды. Быел конкурс Россиянең төрле төбәкләреннән, шулай ук чит илләрдән - Кипр, Австралия, Тунис, Казахстан, Белорусиядән 588 катнашучы җыйды. Ул берничә этапта узды, финал исемлегенә «Глаголица» альманахында басылып чыккан 60 эш керде.
23 ноябрь көнне авыл мәдәният йортында ата-аналар комитеты «Тату сыйныф серләре» бәйгесе үтте. Анда безнең районнан 8 гомуми белем бирү учреждениесе катнашты.
Татарстанда электрон рәвештә Татарстан Республикасы буенча Росреестр Идарәсе тарафыннан күрсәтелә торган хокукларны теркәү һәм кадастр исәбе буенча хезмәтләр өлеше (мәгълүмат-телекоммуникация челтәрләре, шул исәптән ведомствоара электрон багланышлар аша) 2019 елның 10 аенда 96,4% тәшкил итте (2018 елда-92,75%). Әлеге күрсәткечнең «2014-2020 елларда хокукларны теркәү һәм кадастр исәбен алуның бердәм дәүләт системасын үстерү» федераль максатчан программасында каралган максатчан әһәмияте 70% ны тәшкил итә.