ЯҢАЛЫКЛАР
Бүген Олы Кайбычта район башлыгы Альберт Рәхмәтуллин "Авыл территорияләрен тотрыклы үстерү" подпрограммасында катнашучыларга торак төзү өчен сертификатлар тапшырды.
Бүген Кайбыч районының Олы Кайбыч авылында узган эшлекле киңәшмәдә район биналарын һәм якын-тирә территорияләрне иң яхшы Яңа ел бәйрәменә бизәү конкурсына йомгак ясалды. Катнашучыларны конкурсны раслаган муниципаль район башлыгы Альберт Рәхмәтуллин дипломнар һәм акчалата премияләр белән бүләкләде.
Перевести вGoogleBingБүген Кайбыч муниципаль район Советы һәм Башкарма комитетының актлар залында район башлыгы Альберт Рәхмәтуллин җитәкчелегендә район оешма-учреждениеләре җитәкчеләре, авыл җирлекләре башлыклары катнашында киңәшмә узды.
Хөрмәтле Альберт Илгизәр улы! Сезне киләсе Яңа ел бәйрәме белән чын күңелдән котлыйм! Яңа ел сезнең барлык яхшы уй-ниятләрегезне тормышка ашырсын, яңа җиңүләр һәм шатлыклар, туган җирегезгә иминлек алып килсен. Һәркайда сезгә уңышлар юлдаш булсын.
Хөрмәтле коткаручылар!
Һөнәри бәйрәмегезнең Яңа ел бәйрәме белән бергә билгеләп үтелүе аеруча күңелле һәм истәлекле.Яллар-бәйрәмнәр сирәк эләгә үзегезгә. Шуңа да карамастан, сез алдыгызга куйган бурычны намус һәм зур тырышлык белән үтисез, районыбыз бөтенлеген, кешеләр иминлеген уяу саклыйсыз. Ил-көнгә нинди генә бәла килмәсен, иң беренче чиратта, ярдәм кулын сузасыз, меңләгән кешеләрнең гомерен саклап каласыз. Шул ук вакытта сезгә килеп туган хәлдә дөрес карар кабул итәргә, еш кына үз гомерегезне куркыныч астына да куярга туры килә. Дөньяда һәм илебездә терроризм һәм экстремизм гамәлләре арткан бер заманда потенциаль куркыныч тудыручы объектлар сездән икеләтә уяулык сорый.
Мөхтәрәм коткаручылар! Сезне һөнәри бәйрәмегез белән котлап, ныклы сәламәтлек, иминлек, хезмәттә һәм шәхси тормышыгызда уңышлар, һөнәри осталыгыгызның камилләшүен һәм киләсе елның гадәттән тыш хәлләрсез, тыныч узуын телибез.
ИГЪЛАН
Татарстан Республикасы Кайбыч муниципаль районы Башкарма Комитеты «Муниципаль казна учреждениесенең мәдәният бүлеге начальнигы вакантлы вазыйфасын биләүгә конкурста катнашу өчен документлар кабул итү турында»
Роспотребнадзорның Татарстан Республикасы буенча идарәсе намуссыз эшкуарларның, җаваплылыктан чыгып, Яңа никотинлы продукцияне (анда тәмәке никотин белән алмаштырылган) - Россия Федерациясендә тыелган снюс аналогы сатуларына игътибар итә.
"Кайбыч таңнары" газетасының өч журналисты - Мингазиз Сөнгатуллин, Людмила Путятинская һәм Фирада Сайранова Яңа ел бәйрәме алдыннан бүләк сертификатлары һәм Татарстан Республикасы икътисад министры Фәрит Габделганиевтан һөнәри осталыклары һәм республика массакүләм мәгълүмат чараларында эшкуарлык темасын иң яхшы яктыртканнары өчен котлаулар кабул иттеләр.
Кече һәм урта эшмәкәрлекне үстерү турында журналист эшләре конкурсында 52 кеше катнашты, алар 230 дан артык авторлык эше җибәрде. Конкурс 15 номинация буенча үткәрелде.
ТР Мәгариф һәм фән министрлыгы «Кайбыч таңнары» газетасы редакциясен бүләкләде.
Татарстан мәгарифен модернизацияләүгә һәм үстерүгә, аны популярлаштыруга һәм укытучы һөнәренең абруен күтәрүгә юнәлтелгән дәүләт инициативаларын яктыртуның шәхси тәҗрибәсен таратуга зур өлеш кертү өчен редакция рәхмәт хаты белән бүләкләнде.
Кайбыч ял паркында төп чыршыны ачу тантанасы булды.
Яңа ел утлары районның иң зур чыршысында да кабынды, яңа 2020 елга якынаю турында хәбәр итте. Аның янында район халкы, авыл җирлекләреннән, оешма-предприятиеләрдән Кыш Бабай һәм Кар кызы җыелган иде. Район башлыгы Альберт Рәхмәтуллин барысын да якынлашып килүче Яңа ел белән котлады, узып баручы елда уртак нәтиҗәле эш өчен рәхмәт белдерде, киләсе елның тагын да уңышлырак булуын теләде. Традиция буенча чыршы тирәли әйлән-бәйлән, уеннар оештырылды. Бәйрәм ахырында бәйрәм салюты булды.