ЯҢАЛЫКЛАР
ТР Мәгариф һәм фән министрлыгы «Кайбыч таңнары» газетасы редакциясен бүләкләде.
Татарстан мәгарифен модернизацияләүгә һәм үстерүгә, аны популярлаштыруга һәм укытучы һөнәренең абруен күтәрүгә юнәлтелгән дәүләт инициативаларын яктыртуның шәхси тәҗрибәсен таратуга зур өлеш кертү өчен редакция рәхмәт хаты белән бүләкләнде.
Кайбыч ял паркында төп чыршыны ачу тантанасы булды.
Яңа ел утлары районның иң зур чыршысында да кабынды, яңа 2020 елга якынаю турында хәбәр итте. Аның янында район халкы, авыл җирлекләреннән, оешма-предприятиеләрдән Кыш Бабай һәм Кар кызы җыелган иде. Район башлыгы Альберт Рәхмәтуллин барысын да якынлашып килүче Яңа ел белән котлады, узып баручы елда уртак нәтиҗәле эш өчен рәхмәт белдерде, киләсе елның тагын да уңышлырак булуын теләде. Традиция буенча чыршы тирәли әйлән-бәйлән, уеннар оештырылды. Бәйрәм ахырында бәйрәм салюты булды.
25 декабрьдә Татарстан Республикасы Авыл хуҗалыгы һәм азык - төлек министрлыгында «Татарстан Республикасы агросәнәгать комплексының иң яхшы хезмәткәре-2019» республика конкурсында җиңүчеләрне бүләкләү тантанасы булды.
Казанда 23-25 декабрьдә тимераякта узышу буенча «олимпия өметләре»турниры узды.
25 декабрь көнне Кече Кайбыч авылында яшәүче Габделхәеров Роман Рафаил улы үзенең 50 яшьлек юбилеен билгеләп үтте. Муниципаль район башлыгы исеменнән юбилярны район башлыгының коррупциягә каршы көрәш буенча ярдәмчесе Фәния Петухова котлады, аңа нык сәламәтлек, озын гомер теләде һәм район башлыгының рәхмәт хатын тапшырды.
Яңа ел - ул балалар да, өлкәннәр дә ярата торган бәйрәм. Бу әкияти вакытта яңа ел атмосферасына чумасы һәм могҗизага ышанасы килә. Яңа елдан һәркайсыбыз күтәренке кәеф, туганнарыбыз белән җылы очрашу һәм, әлбәттә, бүләкләр көтә.
2019 елның 23 декабрендә хакимиятнең актлар залында Балигъ булмаганнар эшләре һәм аларның хокукларын яклау комиссиясенең чираттагы 21 утырышы узды. Утырышта ТР КоАП 3.11 ст.1 ө., РФ КоАП 5.35 ст. 1 ө. буенча административ беркетмәләр каралды, ТР Кайбыч муниципаль районы Башкарма комитетының яшьләр сәясәте, физик культура һәм спорт бүлегенең профилактик исәптә торучы балигъ булмаганнар белән эшләү турында хисабы тыңланды. Комиссия рәисе тарафыннан профилактика субъектларына ведомствоара учетта гына түгел, «риск төркеме»ндә торучы балалар белән дә эшне көчәйтү буенча тәкъдимнәр бирелде. ТР Кайбыч муниципаль районының барлык торак пунктларын да колачлап, кышкы каникуллар вакытында ведомствоара рейдлар графигы расланды.
20 декабрь көнне «Кайбыч имәнлекләре» балалар-яшүсмерләр спорт мәктәбе активистлары картлар һәм инвалидлар өчен Федоровка интернат-йортында булдылар. Алар йортта яшәүчеләрне якынлашып килүче бәйрәм белән котладылар, аларга нык сәламәтлек, озын гомер теләделәр, шулай ук аларга бүләкләр тапшырдылар.
20 декабрь көнне Казанда "Бердәм Россия" Бөтенроссия сәяси партиясенең "Балалар спорты"төбәк иҗтимагый советы утырышы узды. Утырыш кысаларында «Балалар спорты» проектында катнашучылар - республиканың гомуми белем бирү учреждениеләре арасында үткәрелгән конкурска йомгак ясалды.
Бәйге нәтиҗәләре буенча Кайбыч районының Олы Урсак мәктәбе 3 урынны яулады.
«ЭКО» мәктәптән тыш эшләр үзәгенең муниципаль бюджет оешмасы укучысы Булат Хәйбуллин (җитәкчесе Илүсә Карипова) «гаҗәеп дөнья» II Республика рәсем һәм декоратив-гамәли иҗат конкурсында катнашты һәм 3 урынны яулады. Без аны котлыйбыз! Конкурс Россиядә Театр елына багышланган иде.