Муниципаль районнар Кайбыч муниципаль районы

ЯҢАЛЫКЛАР

гыйнвар, 2015 ел

якшәмбе

Яңа ел каникулында Олы Кайбыч зиратында өмә уза

3 гыйнварда Олы Кайбыч зиратында куакларны кисү буенча өмә үткәрелә.

Яңа елда Кайбычтагы ашыгыч медицина ярдәме күрсәтүчеләргә эш күп булганмы?

-Яңа ел төне һәм 1 гыйнвар көне тыныч узды. Безгә хроник авырулы кешеләр, температурасы югары булучылар гына шалтыратты һәм аларга медицна ярдәме күрсәтелде"- диде үзәк сырхауханәнең ашыгыч ярдәм күрсәтү бүлеге фельдшеры Зөлфия Баһавива.

Кайбыч хоккейчылары иң көчле командалар белән генә уйный

“Кайбыч” боз мәйданында безнең хоккейчылар Казан шәһәренең “АЗС-Центр” хоккей командасы белән уйнады. Кайбыч командасының алыштыргысыз капитаны, тренер-уенчысы Илдус Вәлиуллин, “АЗС- Центр” командасыныкы – якташыбыз Радик Җамалетдинов.

Кайбыч районының барлык Кыш бабае бергә җыелды

Яңа ел! Яңа ел! Яңа елга санаулы гына сәгатьләр калып бара. Һәр җирдә бәйрәм атмосферасы хөкем сөрә. Ә без, кайбычлылар, үзебезнең кәефне ничек күтәрәбез? Һәрбер Яңа ел бәйрәме алдыннан бәйрәмнең үзе түгел, аңа әзерлек – чыршы бизәү, бүләкләр сатып алу, урамнарның бизәлеше мөһим. Өстәвенә, һава торышы да бик кулай: кары да яуды, суыгы да килеп җитте.

Муниципаль район башлыгы Альберт Рәхмәтуллин Кайбыч халкына рәхмәтле

“Кайбыч өчен узып баручы ел уңышлы булды. Без барлык дәүләт программаларын да үтәдек, эшчәнлегебезнең бөтен өлкәләрендә дә уңышларыбыз бар. Әле сезнең белән очрашу алдыннан гына Татарстан Президенты Рөстәм Миңнеханов катнашында видеокиңәшмә узды. Авыл хуҗалыгы һәм азык-төлек министры Марат Әхмәтов анда 2014 ел дәвамында үткән видеокиңәшмәләрдә районнарның эшчәнлеге буенча яңгыраган уңай һәм тискәре бәяләмәләрдән чыгып рейтинг үткәрелүен әйтеп узды. Кайбыч – рейтингта беренче урында. Районыбызның данын шулай республика дәрәҗәсенә күтәргән тырыш халкыма зур рәхмәт. Мин туган ягым һәм аның халкы белән чиксез горурланам”.

Кайбыч муниципаль район башлыгы Альберт Рәхмәтуллин район халкын Яңа ел һәм Раштуа бәйрәме белән котлый

«Хөрмәтле кайбычлылар, районыбыз кунаклары! Яңа ел – көтеп алынган үзенчәлекле бәйрәм.

декабрь, 2014 ел

сишәмбе

Олы Кайбыч мәктәбендә өч республика педагоглары очрашты

Олы Кайбыч урта гомумбелем бирү мәктәбе базасында шул исем астында Татарстан Республикасы Мәгариф һәм фән министрлыгы, Чувашия һәм Башкортстан Республикалары мәгариф хезмәткәрләре, Иделаръягы зонасы районнары мәгариф бүлекләренең милли мәгариф һәм төбәкара хезмәттәшлек буенча методистлары катнашында төбәкара семинар үткәрелде.

Мәлки авылында гасыр яшьтәше гомер итә

Якын туганым 2015 елның 13 гыйнварында 96 яшьлеген каршы алырга җыена. Хәзер Мәлки авылында яшәүче Малова (Ежова) Евдокия Василий кызы 1919 елда Хуҗа Хәсән авылында дөньяга килгән. Бу бик авыр чорлар булган, чөнки илдә Гражданнар сугышы барган. Аның авырлыклары безнең туган ягыбызны да читләп үтмәгән. Сугыш тәмамланганчы ук моңа кадәр халык күрмәгән-сизмәгән ачлык башлана. Ул вакытта Евдокия апага ике яшь кенә була әле.

Андый-мондый хәл килеп чыкса, “112”не җыегыз

“112” хезмәте Татарстан Республикасында 2010 елның 1 маеннан бирле эшли. “112” бердәм номеры аша шалтыратулар стационар һәм кәрәзле абонентлардан тәүлек әйләнәсе кабул ителә. “112” хезмәте операторлары көн саен уртача биш мең шалтыратуны кабул итә.

Кайбычның ай-ти чемпионнары Казанга барды

23 декабрьдә Казанда республика күләмендә уздырылган «IT-чемпион» бәйгесендә җиңүчеләрне бүләкләү тантанасы узды. Бу бәйге Татарстан Президенты Рөстәм Миңнеханов инициативасы һәм тәкъдиме буенча уздырыла. Аның максаты – халык арасында электрон хезмәтләрне популярлаштыру, шулай ук укучыларны IT-мәгариф нигезләре белән таныштыру.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ