Кайбыч районында тагын бер Бөек Ватан сугышы ветераны вафат булды.
Кайбыч районында тагын бер Бөек Ватан сугышы ветераны вафат булды.
Хәсән Җиһанша улы 1923 елның 23 июлендә Татарстанның Кайбыч районы Олы Кошман авылында туа. Сугышка кадәр туган колхозында эшли.
Бөек Ватан сугышы ветераны. Кызыл Армия сафларына Татарстанның Кайбыч РВКсына чакырыла һәм Мари АССРның Суслонгер станциясендә запас укчылар бригадасына әзерләнә. 1 нче Белоруссия фронтында сугыша. Җиңүне Берлинда каршылый.
Сугыштан соң колхозда тимерче булып эшли.
1 нче дәрәҗә Ватан сугышы ордены (1985 ел), "1941-1945 еллар Бөек Ватан сугышында Германияне җиңгән өчен" медале һәм башка медальләр белән бүләкләнгән. Рига шәһәре штурмын үзләштергәндә бик яхшы сугышчан гамәлләре өчен Рәхмәт хаты, Штатгард, Наугард, Польцин шәһәрләрен яулаган өчен Рәхмәт хаты һәм Берлин штурмы өчен Рәхмәт хаты белән бүләкләнә.
8 март көнне район башлыгы Альберт Рәхмәтуллин ветеранны соңгы юлга озатуда катнашты.
Бүгенге көндә Кайбыч районында 6 Бөек Ватан сугышы ветераны яши.