Безнең пенсионерлар - барысына да үрнәк!

     Кышның соңгы көннәре үзенең нык салкыннары белән безнең аларга ни дәрәҗәдә чыдам икәнлегебезне сынагандай булды! Ләкин өлкән яшьтәге асыл затларыбыз, һава торышының нинди булуына карамастан, җил-бураннардан, салкыннан курыкмыйча үзләренең сәламәтлекләрен “Салават күпере” спорт-сәламәтләндерү комплексында һәрдаим ныгытып торалар.  Атнаның сишәмбе һәм пәнҗешәмбе көннәрендә иртәнге сәгать 9да алар үзләренең көн тәртибен дәвалану физкультурасыннан башлап җибәрәләр. Көн тәртибендә: бассейнда су коену, хореография, кул-эшләре белән шөгыльләну каралган.   Җаннарына ял, тәннәренә сихәт алалар алар.  Яшь буын өлкәннәрдән үрнәк алсын иде.