Кошман кызы Гран-при отты
«Алтын каләм» республика фестивалендә татар журналистикасы юнәлешендә Гран-прины Кошман кызы Чулпан Гарифуллина яулады. Быел Олы Кайбыч мәктәбен медальгә тәмамлаган Чулпан хәзер КФУның журналистика факультетына укырга керергә әзерләнә. Чыгарылышлар әле үзләренә югары уку йортларын сайлый гына, ә Чулпанны инде студент дип санарга була. Чөнки Гран-при аңа ташламалы шартларда укырга керергә нигез бирә.
Бүләкләү тантанасында Татарстан Дәүләт Советы рәисе урынбасары, республиканың Журналистлар берлеге рәисе Римма Ратникова, РФ Дәүләт Думасы депутаты Марат Бариев, Россия Журналистлар берлеге сәркатибе Роман Серебряный, “Татмедиа” агентлыгының идарә эшләре башлыгы Дмитрий Перевезенцев, КФУның Журналистика һәм медиакоммуникацияләр югары мәктәбе директоры Леонид Толчинский катнашкан