“Ак калфак”ның Кошман авылы бүлеге активистлары оешманың Яшел Үзәндә үткән күчмә утырышында катнашты

Бу көннәрдә “Ак калфак”ның Кошман авылы бүлеге активистлары – Лилия Сафина, Гүзәлия Саттарова, Гөлшаһидә Сабирова оешманың Яшел Үзәндә үткән күчмә утырышында һәм “Иделаръягы мәшһүр шәхесләре эзеннән” дип исемләнгән сәяхәт-маршрутында катнашып кайтты. Аларның маршруты колачлы иде: Исак авылындагы ачык һавадагы музей-комплекс, Ачасыр, Кече Шырдан, Норлат һәм Акъегет авылларында булдылар, мәгърифәтче Каюм Насыйри һәйкәленә чәчәкләр салдылар. Районыбызның актив хатын-кызларын “Ак калфак” оешмасында берләшергә, бергәләп эшләргә дәшеп калабыз!