Кайбычта узган Республика көнендә “Буян” һәм “Атланта-Сити” кушаматлы атлар беренче килде
2014 елның 3 сентябре, чәршәмбе
Ярыш, комментатор Рәмис Хәялиев әйтеп узганча, көн дә авылларда җигелеп эшләүче атлар һәм ипподромнарда зур ярышларда гына катнашучы нәселле атлар арасында үткәрелде. Җайдаклар район башлыгы Альберт Рәхмәтуллин бүләге өчен ярышты. Үзебездәге атларда чабучылар алтау иде. Алар арасыннан финишка беренче булып Кошманнан Динар Гатауллин иярләгән “Буян” килде. Кыр Буасыннан Степан Поляков, Корноуховодан
Алексей Денисов чапкан атлар- икенче-өченче урыннарда. Нәселле атлар бигрәк көяз инде, үз дәрәҗәләрен белеп, баскан урыннарында биеп кенә торалар. Алар барлыгы җиде иде. Бу заездда Апастан килгән Рамил Мөхәммәтҗановның “Атланта-Сити” аты җиңде. Икенче булып, Олы Кайбычтан Рамил Закировның аты килде. Җайдагы- Олы Кайбыч мәктәбендә белем алучы Рәдиф Зиннәтҗанов. Өченче урында -эшмәкәр Фасахов аты. Аның Эльбасында Виктория Васильева чапты. Район башлыгы җиңче җайдакларга гына түгел, ә ярышта катнашучыларның барысына да бүләкләр әзерләгән иде.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз