
Акциянең максаты – үсеп килүче яшь буында табигатькә карата сакчыл караш тәрбияләү, аларда экологик культура булдыру. Кайбыч укучылары табигатьне саклауга үзләреннән лаеклы өлеш кертә. Алар елга буйларын, тирә-юньне чүп-чардан җыештыра, агачлар утырта, экологиягә багышланган төрле бәйге-фестивальләрдә актив катнаша. Кошман төп мәктәбендә узган бердәм экологик дәрестә безнең хәбәрчебез Лилия Хәкимова да катнашты. Ул хакта газетабызның алдагы санында таныша аласыз.