Кайбыч муниципаль районы территориясендә яшәүче халыкларның милли ашлары көннәрен үткәрү буенча Комиссия, конкурска йомгак ясадылар
район башкарма комитеты җитәкчесенең икътисад мәсьәләләре буенча беренче урынбасары Эльвира Заһидуллина рәислегендә узган утырышта нәтиҗәләр яңгырады.
2024 елның 13 июнендә уздырылган милли кухня көнендә катнашкан дүрт кешедән комиссия, балларны җыеп, "Райхан" кафесына өстенлек бирде, әмма, әйтергә кирәк, катнашучыларның һәркайсы тәмле ризыклар Әзерләде.
«Туган Як» кафесы кунакларны музыка белән каршы алды, бәйрәм кәефе тудырды. Өстәлгә 25 төрле беренче һәм икенче ризык: пилмән, тавык белән токмач ашы, пешкән бәрәңге, татарча азу һәм башкалар куелган иде.
«Бәрәкәтле " кафесы конкурста икенче ел катнаша. Күргәзмә залы татар йорты стилендә бизәлгән иде. Биредә 40 тан артык татар ашлары әзерләгәннәр.
» Диләрә " ел саен рус кухнясын сайлый. Кунакларга дегустация өчен 15 ризык тәкъдим иттеләр, алар арасында – тозланган кәбестә, аз тозлы кыяр һәм помидор, суык, шулай ук он эшләнмәләре.
«Рәйхан» кафесында кунакларны татар милли киемнәрендә ипи-тоз белән каршы алдылар. Стеналарны чигүле сөлгеләр белән бизәделәр. Өстәлдә татар кухнясының 70 тән артык төрле шедевры, татар халык көйләре яңгырады. Ураза ае уңаеннан ифтар өчен хәйрия өстәле әзерләнде. Ураза тотучы һәркем бу көнне ифтарга килә ала иде.
Нәтиҗәдә, конкурста катнашучылар арасында җәмәгать туклануы предприятиесенең иң яхшы коллективы итеп «Райхан»кафесы коллективы танылды. Ул, ТР Кайбыч муниципаль районы башлыгының Мактау грамотасына лаек булып, беренче урынны яулады.
Аннан соңгы урыннарны «Туган Як» кафесы һәм «бәрәкәтле»кафесы алды.
"Диләрә"кафесы коллективы конкурста ел саен катнашкан өчен Кайбыч муниципаль районы Башкарма комитеты җитәкчесенең Рәхмәт хаты белән бүләкләнде.