Ресурслар белән тәэмин итүче оешма бурычны суд тәртибендә түләтә аламы?

Татарстан Республикасы Кайбыч районы прокуратурасы аңлата:

Ресурслар белән тәэмин итүче оешма бурычны суд тәртибендә түләтә аламы?
Кулланылган коммуналь хезмәтләр өчен бурыч барлыкка килгән очракта, ул бурычлыдан суд тәртибендә түләтелергә мөмкин.

Гражданнарның торак урыны һәм коммуналь хезмәтләр өчен түләүгә бәйле бәхәсләр җәмәгать судьялары, шулай ук гомуми юрисдикциядәге башка судлар тарафыннан гражданлык суд эшләре алып бару тәртибендә карала. Торак урыны һәм коммуналь хезмәтләр өчен түләү буенча биш йөз мең сумнан артмаган бурычларны түләтү турындагы таләпләр приказ производствосы тәртибендә каралырга тиеш.

Суд боерыгы җәмәгать судьясы тарафыннан биш көн эчендә суд тикшерүесез һәм якларны чакырмыйча чыгарыла.

Россия Федерациясе Граждан процессуаль кодексының 128 статьясы нигезендә суд боерыгының күчермәсе бурычлыга ул чыгарылган көннән алып биш көн эчендә җибәрелә.

Чыгарылган суд боерыгы белән килешмәгән очракта, ул чыгарылган зат аны алган көннән алып ун көн эчендә аны үтәүгә карата җәмәгать судьясына каршылык юлларга мөмкин. Мондый очракта суд боерыгы юкка чыгарылырга, ә булган бәхәс граждан суд эшләре тәртибендә хәл ителергә тиеш.