Кайбыч районы башлыгы Альберт Рәхмәтуллин район халкын Ураза бәйрәме белән котлый
Хөрмәтле райондашлар! Сезне барыгызны да район Советы, башкарма комитет, шәхсән үз исемемнән Рамазан ае тәмамлану һәм изге Ураза бәйрәме – Гайдел фитр уңаеннан ихлас йөрәктән тәбрик итәм. 
Дин кардәшләребез Рамазан аеның бар рәхәтлекләрен татып калырга омтылып, коллектив ифтарлар үткәрделәр, аларга өлкәннәрне дә, яшьләрне дә чакырдылар. Изге эшләрдә бердәмлекне, оешканлыкны ныгыту максатыннан мөхтәсибәт шулай ук төрле категория кешеләре, халыкның якланмаган катламы өчен авыз ачу мәҗлесләре үткәрде. Изге Рамазан аенда да безнең күп кенә мөселманнарыбыз туган илдән еракта илебез бөтенлеген, аның чикләре иминлеген саклап көрәшүче якташларыбызга гуманитар ярдәм оештыруда катнашты. Зур социаль әһәмияткә ия булган рухи һәм матди булышлыгыгыз өчен чиксез рәхмәт сезгә. Ураза бәйрәме рухи бердәмлегебезне ныгытсын, йөрәкләребезгә җылылык, сөенеч, игелек һәм ярату алып килсен! Сезгә ихлас күңелдән исәнлек-саулык, тынычлык һәм иминлек телим!
Кайбыч муниципаль районы башлыгы Альберт Рәхмәтуллин.