Кайбыч районының элекке Башлыгы Җәүдәт Рәшит улы Гаффаров 4 июль көнне арабыздан мәңгегә китте
Кайбыч районының элекке Башлыгы Җәүдәт Рәшит улы Гаффаров 4 июль көнне арабыздан мәңгегә китте.
Гаффаров Җәүдәт Рәшит улы 1952 елның 2 гыйнварында Апас районы Кызыл-Тау авылында туган. 1974 елда икътисад һәм авыл хуҗалыгын оештыру белгечлеге буенча Казан авыл хуҗалыгы институтын тәмамлаган.
1974-1975 елларда Совет армиясе сафларында хезмәт иткән. 1975 елның июненнән 1976 елның августына кадәр Апас районы авыл хуҗалыгы идарәсендә хезмәт өчен түләү буенча өлкән икътисадчы булып эшләгән.
1985 елдан Муса Җәлил ис. колхоз рәисе булып эшли. 1987 елдан - Апас районының РАПО рәисе урынбасары. 1991 елдан Кайбыч районы авыл хуҗалыгы һәм азык-төлек идарәсе башлыгы вазыйфаларын башкара. 1999 елның мартыннан 2005 елның мартына кадәр Кайбыч районы администрациясе башлыгы булып хезмәт куя. 2005 елдан 2012 елга кадәр Кайбыч муниципаль районы башлыгы вазыйфаларын башкара.
Гаффаров Җ.Р. эшләгән вакытта үзен уңай яктан, принципиаль һәм намуслы җитәкче итеп күрсәтә. Зур оештыру сәләтләренә ия булган җитәкче, һөнәри белемнәрен һәм тормыш тәҗрибәсен куелган бурычларга иҗади якын килү белән оста берләштерә. Аңа йөкләнгән бурычларны югары профессиональ дәрәҗәдә үти, йөкләмәләрне сыйфатлы һәм заманча үтәүне төгәл тәэмин итә. Ул үз хезмәткәрләренә таләпчән булды, шул ук вакытта, гадел, игътиҗарлы мөнәсәбәттә иде. Ул төрле дәрәҗәдәге җитәкчеләр белән яхшы эшлекле мөнәсәбәтләр урнаштыра һәм саклый белде, киң эшлекле элемтәләргә ия иде. Көндәлек эшчәнлегендә ул югары компетентлылык, куелган максатларга ирешү буенча оператив карарлар кабул итү осталыгы күрсәтте. Ул хезмәт интенсивлыгы, халык арасында эшне фаразлау һәм планлаштыру, оештыру һәм координацияләү сәләтенә ия иде.
Җәүдәт Рәшит улы Кайбыч муниципаль районы Советында эшләгән елларында даими рәвештә депутатлар һәм аларның сайлаучылары эшенең үзәгендә булды. Берничә тапкыр РФ Дәүләт Думасына, РФ һәм ТР Президентын сайлауны оештыруда һәм үткәрүдә катнашты. Социаль әһәмияттәге объектлар төзү мәсьәләләрен хәл итүгә күп көч һәм энергия бирде. Район территориясендә үрнәк тәртип саклау һәм төзекләндерү, аның инфраструктурасын үстерү, халыкның мәдәни ялын оештыру аның турыдан-туры контроле астында булды. Район инфраструктурасы объектларын саклауга һәм үстерүгә, барлык объектларның эшчәнлек нәтиҗәлелеген арттыруга, халыкның тормышын яхшыртуга, җирле әһәмияттәге мәсьәләләрне хәл итүгә зур игътибар бирде. 2001 елда Җ. Р. Гаффаровка «Татарстан Республикасының атказанган авыл хуҗалыгы хезмәткәре» дигән мактаулы исем бирелде, «Оборона министрлыгына 200 ел», «Бөтенроссия халык санын алуны үткәрүдә күрсәткән хезмәтләре өчен», «Казанның 1000 еллыгы истәлегенә», «Татар Автономияле Совет Социалистик Республикасы оешуга 100 ел» медальләре белән бүләкләнде.
Бу безнең барыбыз өчен дә зур югалту. Җәүдәт Рәшит улының туганнары һәм якыннарының чын күңелдән кайгысын уртаклашам. Гаффаров Җ.Р. турында якты истәлек безнең йөрәкләрдә мәңгегә сакланачак.