Без утырткан агачлар

2013 елның 7 октябре, дүшәмбе

Бөтенроссия күләмендәигълан ителгән “Яшә, урман!” акциясе кысаларында шимбә көнне бөтен район халкы агач утырту өмәсенә чыкты.
Оешма-предприятиеләр хезмәткәрләре, авыл җирлекләре хезмәткәрләре агачларны үзләренә билгеләнгән участокка утыртты. “Кайбыч урманчылыгы” директоры Илгиз Хаффазов әйтеп узганча, өмә көнне барлыгы 27мең 700 төп агач утыртылган.
– Бу көнне Федоровскоеда урнашкан урманчылык янында 10 сутый парк, ярты гектар зурлыкта сквер барлыкка килде, дүрт гектардан артык мәйданда урманга агачлар утыртылды. “Яшә, урман!” акциясе агачлар утырту максатында гына түгел, урманнарны корыган агачлардан,чүп-чардан чистартуны да күздә тотып  игълан ителгән иде. Без дүрт гектардан артык мәйданда урманнарны чистарттык, сигез гектарын көнкүреш калдыкларыннан чистарттык. Әлеге эшләрне безнең урманчылыкта эшләүче урманчылар башкарды. Башка хезмәт коллективлары да акциягә актив кушылды, – диде ул, акция йомгаклары белән таныштырып.
Ә район администрациясенә килүчеләрне берничә елдан Кайбычның горурлыгы-мактанычы булган имән агачлары каршы алачак. Капкага керү юлындагы беренче агачны “Бердәм Россия” партиясенең Кайбычтагы сәяси Советы секретаре Альберт Рәхмәтуллин утыртты. Кызыл имән үсентеләре бик нәни әле. Кайбыч гербындагы кебек киң ябалдашлы имән итеп үстергәнче зур хезмәт куясы бар. Утырткан агачларны карап үстерү барыбызга да йөкләнә, бу киләчәк буыннар өчен кирәк.
Луиза Сөнгатуллина, автор фотосы.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Адрес: Большие Кайбицы
Телефон: 8843 702-11-85
Факс: 8843 702-11-85
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International