Кайбер ата-аналар бу көнне укулар булу-булмавы белән кызыксына.
Район мәгариф бүлеге начальнигы Илдар Шакиров хәбәр иткәнчә, 1 сентябрьдә барлык мәктәпләрдә дә бәйрәм тантаналары уза. Анда укучыларны яңа уку елы белән район Советы, башкарма комитетындагы бүлек начальниклары, депутатлар да котлый. Бу көнне беренче класска баручы 134 укучы өчен тәүге тапкыр кыңгырау чыңлаячак.