2020 елның 1 кварталы йомгаклары буенча Кайбыч районының алкоголь базарындагы хәл
Район территориясендә 2020 елның 31 мартына алкогольле продукцияне ваклап сатуга карата 62 сәүдә объекты лицензиягә ия - бу узган ел белән чагыштырганда 1 объектка күбрәк.
Кайбыч районында 2020 елның 1 кварталында барлыгы 34,5 мең литр күләмендә маркировкаланган алкогольле продукция сатылган, узган ел белән чагыштырганда 99%. Шул исәптән 26 мең литр аракы, 8,4 мең литр башка продукция сатылган. Районда алкоголь продукциясен сату күләме бер кешегә 2,57 литр тәшкил итте, бу узган ел белән чагыштырганда 101%
Хисап чорында контроль-инспекция чараларының нәтиҗәлелеге һәм күләме районның алкоголь базарында контрольне тәэмин итәргә мөмкинлек бирде. Татарстан Республикасы Дәүләт алкоголь инспекциясенең Зеленодол территориаль органы хезмәткәрләре тарафыннан 2 тикшерү чарасы үткәрелде, 2 хокук бозу очрагы ачыкланды. Контроль чаралар барышында 22,44 л күләмендә алкогольле продукция легаль булмаган әйләнештән алынды.
Вәкаләтле органнар һәм судлар тарафыннан территориаль орган тарафыннан карауга җибәрелгән 1 материал каралды, 11,0 мең сумлык административ штраф салынды. "Татспиртпром" ААҖнә 13,750 литр продукцияне юк итү өчен тапшырылды.
2020 елда «Халык контроле» Татарстан Республикасы дәүләт мәгълүмат системасына гражданнардан алкоголь базарында хокук бозулар турында 5 хәбәр килде, 1 хәбәр расланды, 2се-расланмады, 2се-эштә.
Татарстан Республикасы Дәүләт алкоголь инспекциясенең Зеленодол территориаль органы