Синоптиклар Татарстан юлларында бозлавык булу ихтималы турында кисәтә

2017 елның 23 октябре, дүшәмбе

Татарстан синоптиклары һава шартларының начараюы турында кисәтә. Иртәгә, 24 октябрьдә, төнлә һәм иртән республика юлларының аерым урыннарында бозлавык хасил була ала, дип хәбәр итә Татарстанның Гидрометеорология һәм әйләнә-тирә мохитне күзәтү үзәге.

Шунысын да билгеләп үтәргә кирәк, Татарстанда һава температурасы төнлә республикада 2-7 градус салкын була.

Исегезгә төшерәбез, Татарстан буенча Эчке эшләр министрлыгынңы ЮХИДИ идарәсе үз вакытында машина йөртүчеләрне җәйге тәгәрмәчләрне кышкысына алмаштырырга һәм юлларда сак булырга чакыра.

Татар-информ

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International