ЯҢАЛЫКЛАР

    20 февраль конне Кайбыч муниципаль районы башлыгы призына «Салават күпере» спорт - сәламәтләндерү комплексында йөзү буенча ярышлар үткәрелде. Ярышта Кайбыч районы оешмалары, муниципаль учреждениеләре һәм авыл җирлекләренен ир-атлары катнашты. Әлеге чара Бөек Ватан сугышында җиңүнең 75 еллыгына, ТАССРның 100 еллыгына һәм «Салават күпере»спорт – сәламәтләндерү комплексы ачылуга 5 ел тулуга багышланган иде.

   Ярышлар дүрт яшь категориясендә узды һәм 3 х 50 метрлы эстафета ярышлары белән тәмамланды, анда Кайбыч район электр челтәрләре йөзүчеләре иң көчлеләрдән булып чыкты, икенче – өченче булып Олы Кайбыч урта мәктәбе һәм янгын часте командалары килде. Ярышларда гомуми команда җиңүе Кайбыч электр челтәрләре йөзүчеләренә бирелде, икенче урында - Олы Кайбыч урта мәктәбе, өченчедә – Борындык авыл җирлеге. Барлык җиңүчеләр һәм призерлар район башлыгы исеменнән дипломнар, истәлекле медальләр һәм кыйммәтле бүләкләр белән бүләкләнде.

  Бу ярышның төп максаты булып сәламәт яшәү рәвешен пропагандалау торды, чөнки спорт сәламәтлекне саклый, кеше организмын үстерә һәм ныгыта.

    Якынлашып килүче 23 февраль - Ватанны саклаучылар көне һәм ТАССРның 100 еллыгы алдыннан,район башлыгы Рәхматуллин Альберт Илгизэр улы кушуы буенча , халыкка социаль хезмәт күрсәтү комплекслы үзәге хезмәткәрләре: өйдә социаль хезмәт күрсәтү бүлекчәсе мөдире Ләйсән Басыйрова һәм социаль эш буенча белгеч Земфира Хәбибуллина Бөек Ватан сугышы инвалидларының торак-коммуналь шартларын карадылар,һәрвакыт кул сузарга әзер булуын билгеләп үттеләр. Якынлашып килүче бәйрәм белән котладылар, аларга нык сәламәтлек һәм озын гомер теләделәр.Бөек Ватан сугышында катнашучылар кунакларга бик шат булдылар, район башлыгына, хезмәтчеләргә рәхмәт сүзләрен белдерделәр, авыр сугыш көннәре турында хатирәләре белән уртаклаштылар.

    Кайбыч районы хакимияте “ТАССР ның 100 еллыгы” программасын, район куләмендә,тантаналы ачыш белән ачып җибәрер очен,Бөтендөнья татар конгрессы исеменнэн,Чуашстан татарларының милли-мәдәни мөхтәрияте “Караван мирас” проектын чакырды.Кайбыч район хакимияте һәм Урмай авылы посилениясендә үзара дуслык хезмәттэшлеккэ шартнамәнедә шушы бәйрәм кысаларында имзаланачак.Буген Урмай поселения җитәкчеләре,Урмай,Тукай мәктәп һәм балалар бакчасы җитэкчеләре Урмай авылының “Мишәр”һәм “Тамчы”ансамбелләре “Кәрван мирас”этник фольклор һәм замана популяр җыр һәм биюләре белән юлны Кайбычка тота.Җомга конне, 13:00 кайбыч мәдәният йортында котеп калабыз.Килегез!Кичен реппортаҗларны куярбыз!

  Татарстан Республикасы буенча Пенсия фонды Бүлекчәсе 2020 елда теләгән кеше моңа кадәр кулланылышта булган кәгазь хезмәт кенәгәсеннән  баш тартып, электрон хезмәт  кенәгәләренә өстенлек бирә алуын хәбәр итә.

18 февральдә район мәдәният йортында ТР ветераннары арасында үзешчән башкаручыларның «Балкыш» - «Сияние» VI Республика фестиваленең сайлап алу этабы булды.
 

"Кайбыч муниципаль районы Башкарма комитеты" МКУ гомуми бүлек башлыгы вазыйфаларын башкаручы итеп Закиров Рәмис Илдус улы билгеләнде, элек ул район башлыгы матбугат секретаре вазыйфасын башкарган иде.

   Район башлыгы матбугат секретаре вазыйфасына Мәлки авылыннан, 24 яшлек-Краснов Петр Александрович билгеләнде.

2019 елның 1 гыйнварыннан соң бүләк ителгән мөлкәтне (кыйммәтле кәгазьләрдән тыш) сатканда салым салына торган керем әлеге мөлкәтне алган вакытта НДФЛ түләнгән суммаларга яисә бүләк итүченең салым салганда исәпкә алынмаган чыгымнарына киметелергә мөмкин.
 

      Татарстан Республикасы (Татарстан) буенча Роспотребнадзор Идарәсенең Яшел Үзән, Югары Ослан, Кама Тамагы районнарындагы территориаль бүлеге, Татарстан Республикасы (Татарстан) буенча Роспотребнадзор идарәсе эшчәнлеге турындагы белешмәләрнең ачыклыгын һәм үтемлелеген арттыру максатларында, эшкуарлык җәмәгатьчелеге компетенциясе кысаларында, эшкуарларга, кече һәм урта бизнес вәкилләренә түләүсез консультация ярдәме күрсәтүне оештыра.
  

Гражданнарның тормышын һәм сәламәтлеген саклауга юнәлдерелгән профилактик чаралар системасында өстенлекле юнәлешләрнең берсе-халыкның социаль якланучы төркемнәренең яшәү урыннарын янгынга каршы саклауны тәэмин итү.