Волейбол буенча район чемпионаты үзенең экваторын узды
Яшьләр сәясәте, физкультура һәм спорт буенча бүлек мөдире Юрий Михайлов әйтүенә караганча, волейбол буенча район чемпионаты үзенең экваторын узды. Узган ял көннәрендә "Салават күпере" спорт-сәламәтләндерү комплексының спорт залында ирләр командалары арасында волейбол буенча район чемпионатының чираттагы туры узды. Бүгенге көндә командалар узара берничә уен уйнады: планлаштырылган 22 уеннан 7 дән алып 12 матчка кадәр уйнарга туры килде. Чемпилнатта беренче булып баруын Мәлки авыл җирлеге командасы дәвам итә. Турнир таблицасында алар артыннан кечкенә генә калышу белән - Иске Тәрбит, Олы Кайбыч, Хуҗа Хәсән, Олы Подберезье, Кече Мәме авыл җирлекләре комнадалары. Шул ук вакытта аутсайдерлар арасында – Борындык, Федоровское авыл җирлекләре командалары.